السلام عليكم ورحمة الله وبركاته
كيفكم يا حلوات إن شاء الله تكونوا كلكم بخير وصحة وعافية
بدي اسآلكم عن الكورن سيروب corn syrup من وين ممكن اشتريه ببريطانيا . هو بستخدم للحلويات بيدخل في بعض الوصفات وبعطي طعم رائع
يا ريت اللي بتعرف منكم من وين اشتريه تحكيلي
شكرا لكم جميعا وجزاكم الله كل خير
بالطبع عزيزتي يوجد بالمنطقه التي تقطنين فيها سوبرماركت للمواد الغذائيه ستجدينه فيها بجانب الأغراض الخاصه بالحلويات
وهو بيكون بهذا الشكل
ومنه
light_ dark
وبأذن الله الأخوات اللاتي يقطنن ببريطانيا سيساعدنكِ أكثر
شكرا لك عزيزتي حنان على الرد بس انا دورت عليه بمحلات كبيرة وما لقيته. تقريبا 3 محلات من الكبار سألت عنه بس مش موجود بالاماكن هذه
بتمنى اذا الصبايا بيعرفوا يدلوني وين بلاقيه
دمتن بخير
دمتي بخير
حبيبتي ام يامن شكرا على الرد واذا لقيته ان شاء الله بخبرك من عيوني وخاصة احنا كلنا بالغربة فبكون حلو لو نساعد بعض وما نبخل على بعض.
انا فكرت اطلبه عن طريق النت متوفر ولقيته وممكن انتِ تطلبيه من النت اذا حبيتي بس حكيت اذا بلاقيه بالمحل بكون اسهل واسرع ومضمون
الجولدن سيروب ما جربته وممكن يكون بديل . اذا ما لقيته هون بجيبه من الامارات بس انزل ان شاء الله بعد اسبوعين.
شكرا لاهتمامكن جميعا أحبتي 