السلام عليكم رحمة الله وبركاته
اليوم جايبه مطازيز من ايدين اميمتي 
ربي يسلم ايدينها يااارب 
اكله نجديه شعبيه ؛)
ما احب اجازف بالاكلات الشعبيه .. الله يخلي امي هي اللي متوليتها
بسم الله نبدأ
اول شي
][ العجينه ][
4 اكواب دقيق بر مملح .. او تضيفين ملح
1 ونص ماء تقريبا
تكون العجينه قاسيه
اتركيها ترتاح شوي على بال ماتسوين كشنتها
][ الكشنه ][
بصل وطماطم
معجون طماطم
بهارات وملح
تضاف اللحمه وتقلب قليلا ثم يضاف ماء كميه كبيره
لطبخ اللحمه والمطازيز
نرجع للعجينه ..
نكور جميع العجينه لكور صغيره اكبر من الزيتونه بشوي
زي كذا ..
ثم ترق الكور باليد او بالـ [ النشميه ]
وهذه صورتها
ندهنها بزيت ونحط فيها الكور..
بعدين نقفلها ونضغطها عشان تنفرد … وخليها وسط مو خفيفه ولا متينه
بعدين جدعيها [ حطيها ] << لغير الناطقين اللهجه القصيميه 
على اللحمه وهي تطبخ .. لا تحطين كميه كبيره عشان ما تلتصق ببعض ..
ولازم يكون الماء كافي لطبخ المطازيز
تترك على النار نص ساعه او 35 دقيقه
واذا استوى وخلص اغرفيه وبالعافيه عليكم
وهذا شكلها النهائي .. غارفينها بالصحفه .. نحب المطازيز فيها احس له طعم ثاني
والف صحه وعافيه عليكوووون
.
يعطيك العافية
وتسلم إيدين ميمتك
بس حبيت اقول تسلم ايييييدها
وربي يخليها لكم
ويخليها لك إن شاء الله