بما ان المنتدى مرة مميز وجميــل قررت اصور وحدة من الطبخات الي اشتهر بها وانزلها واتمنى تنال اعجابكم
طبعا الطبخه من الطبخات المعروف في الاحسا وهي كبة الأرز
والطبخه تنعمل بالارز الحساوي وهو الارز الاحمر الغير مقشور ومرة ذا الارز مفيد لدايت والحمية
بس لانه اشوي يعذب في الطبخ وما ابيتخترب الطبخة عملتها بالارز الابيض العادي
المقادير
1- بصلتين كبار مفرومه ناعم مرة
2- 4 حبات طماطم نزعنا اللب واحتفظنا فيه وقطعنا مربعات صغيرة
3-روبيان حبات صغيرة او مقطع قطع صغيرة(طبعا تقدري تحطي اي نوع لحم تحبي مثلا مخ خروف لحم دجاج)
4- دجاج مفروم( هنا استخدمت نوعين )
5- كأس رز
6- زبدة
7-مكعب ماجي
8-قرنفل مطحون
9-جوزة الطيب مطحونة
10- ليمون اسود مطحون
11- ملح
12-طحين اسمر منخول(بدون النخالة)
13- صلصة طماط
14-ثلاث بيضات
نجي لطريقه
في البدايه نسلق الأرز في ماء مغلي مع ملح وزيت ونضيف له اشوي كركم عشان نعطيه لون اصفر
ونعمل حمسة لباقي المكونات…
نحط البصل والدجاج الى ان اشوي والروبيان وصلصة الطماط …وبعد ما ينشف الماي الي طلع من الروبيان نحط الطماط و الملح
وبعدها نحط الحمسه الي عملناها على الارز ونحط عليهم القرنفل وجوزة الطيب والليمون الاسود ونكسر عليهم البيض ونخلطهم مع بعض بس ننتبه لا يتكسر الأرز ولا نكثر من الليمون الاسود وقرنفل و جوزة الطيب لانها تعطي اشوي طعم مرارة
بعد كذا..نبتدي نكور الارز بعد ما ناخذ كمية على جنب ونحط فوقها اشويه طحين اسمر عشان يساعدنا على التكوير
وذا شكل الارز بعد ما كورته
وننتبه نا نحط طحين كثير ولا على كل الكمية عشان ما تعجن 
بس على الكمية الي حشتغل عليها وكل ما كانت الكورة اصغر كل ما كان ارتب
وبعد ما ننتهي من كل الكمية نحطه اشوي في الثلاجة عشان نجهز الصلصة الي راح نحطها فيه ومنها اشوي يتماسك
نجهز الصلصة اشويه بصل ومع لب الطماط المطحون وصلصة طماط و وعصير الليمون واخلي مويتها اشوي كثير لانه راح انزل الكبه فيها
بعد ما تسمك اشوي اشيل منها وانزل الكبة واصب الباقي فوقها واخلي الكبة تطبخ على نار هاديه
واخيرا لما تنشف المويا تقدم ساخنه مع السمن البلدي
سوري على سوء نوعية الصور لان كميرتي خراب ولا معي الا الجوال
وتسلم الايااااااااااااااااااادي
وش رايك تصلحينها وامرّك؟
الفجر ياليت تمريني لان مصلحتها اليوم عشان زوجي عازم صحابه وشلت منها اشوي