كيف الحال والاحوال يا اخواتي والله مشتاقه لكم كثير كثير
عارفه انكم بردانين وملزقين جنب التدفئة اذا مش قاعدين فوقها ولابسين 5 بلايز و3 بلاطين وجوزين جرابات فوق بعض ومتغطيين ب 5 لحفة من كثر البرد – بس مش انا اللي عاملة هيك –
بس رح تدفوا كثير لما تشوفوا وتجربوا موضوعي لانه فيه سكر والسكر بيدفي كثير في الشتا
اي اشي بدكم اياه في المربيات والفواكه المعلبة انا جاهزة ور ابدا في
مارميلاد قشر البرتقال لانه مره اشتريت شوكولا محشي اشي بفستق واشي لوز واشي جوز بس في اشي حلو كان في احدى انواع الشوكولا وعرفت انه ققشر برتقال مطبوخ وكان طعمة لذيذ جدا
طيب نبدا بالمقادير
كيلو برتقال
سكر بس
نقشر البرتقال وناكلة ونترك القشور طبعا
نضع على النار ماء وعندما يغلي نضيف اليه القشور
من شوي كنت عم تموتي و هيدا أنتي هون مثل العفريتة و معاكي كمان مربى 
.
تسلم إيدك يا رب .
حطينا القشور وبعدين شو نعمل ؟؟؟ 
وحشتيني اوي اوي اوي
نورتي المنتدى
ههههههه الله وكيلكم كل ما اجي اعمل موضوع المحروسة بنتي بتعمل مسح او بتحذف الكتابة قبل ما اعمل لها ارسال مش عارفة شو اسوي معاها بس هالمرة طلعت اذكى منها وارسلت الموضوع ورح اكملة هسة
نقوم بغسل البرتقال ونقشرة ونسلقة في الماء اللي كان يغلي ونتركه لمده 15-20 دقيقة
وطبعا بنصفية من الماء ونقوم بنزع القشور البيضاء اللي من جوا علشان بتعطي مرارة في الطعم
ثم نقوم بوضعها في مصفاة لكي تتصفى من الماء اللي فيها
ونقوم بعدها بتقطيعها اصابع رفيعه جوليان زي ما بيحكوا في التلفزيون
ثم نضع على النار القطر كل 3 كوب من السكر لها كوب ماء مع كم نقطة ليمون
ونترك القطر يغلي على النار هادئة طبعا لمدة 10 دقائق حتى يصبح قطر ذائب ومتجانس
ثم نضيف القشور على القطر ونتركها تغلي على نار خفيفة لمده 20 دقيقة
وممكن نعمل زيه الليمون والبنزهير – الليمون الصغير – والغريبفروت
ويكون هيك
وممكن نستعمله بعدة طرق
اما ان نضع على القشور شوكولا بس لما نزيل القطر السائل عنها
او ممكن نحطها في الكيك اي كيك بتحبوه
وممكن نحطها في حشوة السويسرول بيطلع لذيذ جدا بس ما نكثر منة كثير في الوصفات لانه طعمه قوي ولذيذ في نفس الوقت
يتبع
واللي حابة اي نوع مربى او بدها اي طريقة بس تحكيلي
نضع الليمون و الجزر و الماء في طنجرة الضغط مدة 20د و نتركما حتى تبرد و نطحنها و نعيدها الى الطنجرة مع اضافة السكر و الفانيلا و نتركها فوق النار مع التحريك حتى يتكثف المربى و نضعه في بواقل من زجاج .
وشكرا اختي كريما9 على وصفتك وعلى فكرة مربى الجزر كتير طيب
وهدا من لطفك اختي ام بدر وشكرا الك
كومبوت الدراق
المقادير
1 كيلو دراق
1 كوب سكر ناعم
1 كوب ماء
الطريقة
نغسل الدراق جيدا ثم نضعة في ماء يغلي لمدة دقيقة او اقل
نقوم بوضع الدرراق في مصفى من الاستانلس ونضعة لمدة دقيقة في الماء هذه الطرقة سهلة بدل ما تحطي كل مجموعة مع بعض بس لما بدك تشيليهن من الماء رح تستوي وحدة اكثر من الثانية
بعدها نقشر الدراق ونقسمة نصفين ونزيل النواه
نضع السكر والماء على النار خفيفة طبعا مع كم نقطه عصير ليمون حتى يذوب الكل
بعدها نرفع درجه حرارة النار حتى يصبح القطر متماسك يغلف ملعقة التحريك
ثم نضيف الدراق ونتركه حتى ينضج 10 دقائق او اكثر
وممكن نقدمة هيك او نطحنة ونحشية بداخل الكيكه او نقطعه ونزين به الكيكه والتورتة والعجينة البف باستري او اي حلويات بدكم اياها او ممكن نحشيها بداخل البانكيك
او ممكن مع البوظه يم يم
وممكن نعمل كمان في المشمش نفس الطريقة
يتبع
مربى الورد
وهو يستخدم في تزيين الحلويات العربيه زي القطايف والكنافه وغيرها
المقادير
اوراق- بتلات ورد 500 غرام
2- حبه حامض
5 كوب سكر
ماء بارد
ناخذ اوراق الورد ونضعها في طنجره ونغمرها بالماء البارد ونضيف عصير 1 ليمونه ونترك الورد في الطنجره حتى يتلون الماء ونصفيها
حتى يصبح هيك
ويصفى الورد من الماء
نضع السكر في طنجره ونضيف اليه نص كوب من نقيع الورد والليمون مع الورد
ونتركها تغلي على نار هادئه 20-30 دقيقه حتى تتعقد
وتترك لتبرد وتعبا في برطمانات معقمه
وممكن نستخدم ورد الجوري وورد زهر الليمون بنفس الطريقه