** كيكة النعنع المالحه . من مطبخي 2024.

بسم الله الرحمن الرحيم
اول شي انا اسفه كتيير لاني تاخرت على منتداي الغالي بس والله كان عندي ظروف ماسمحتلي
بس بمناسبة رجوعي جبتلكم معي كيكه مالحه رح تاكله اصابعكم وراها ههههه

كيفكم اخواتي العزيزات وكيف حال مشرفاتنا الحلوين وشكرا الكم على هاللمه الحلوه
وبمناسبة الصيف والنعنع كتران هالايام قلت خليني اخترع شي لاني بموت بالنعنع
وطلعت هالاكيكه بتشهي خلينا نبلش

المقادير

– 2 كاس طحين (والكميه حسب عدد الاشخاص)
– 3 بيض
– 1 ملعقة باكنج باودر
– نصف كوب ماء او حسب الحاجه
– كوب ونصف نعنع مفروم ناعم
– م ص ليمون
– 1 م ص ملح + 1 م ص بهارات مشكله
– جبنة موزاريلا

الطريقه

– في المضرب الكهربائي يوضع البيض والليمون- من شان الزفر يروح – ويخفق لمدة دقيقتين
– ينخل الدقيق ويضاف له الباكنج باودر
– ثم يضاف الدقيق والباكنج باودر الى البيض ويضاف معها النعنع والملح والبهارات
حتى تتكون لدينا عجينه لينه ( ازا حسيت انه العجينه مو لينه ضيفي الماء )
– يجهز الفرن ويسكب المزيج في صينية الخبز بعد دهنها بالزيت الذره

– تترك بالفرن مدة ثلث ساعه او لحين نضج الكيكه
– بعد نضج الكيكه بناخد الكيكه وبنرش عليها جبنة الموزاريلا وبنرجها للفرن لتحمير الوجه ..

وهاي الصوره بعد ما طلعت من الفرن

طبعا بتقدميها مع كاسة شاي بالنعنع كمان بتطلع روعه …

وهاي القطعه لاول رد يلا عيشوا بهالنعمه هههههههههه

وصحتين والف هنا واللي بتجربها رح تدعيلي واي سؤال انا حاضره من عيوني