اعذروني لأنه ما قدرت اصورلكم ياها لكنها سهله جدا ان شاء الله وما تحتاج تصوير خطوه خطوه لكن كنت حابه ورجيكم شكلها النهائي يلا ان شاء الله وحده منكم تعملها وتضيف صور او انتظروا لتظبط الكاميرا على خير.
المهم نبدأ
بسم الله الرحمن الرحيم
– 1 علبه صغيره أيس كريم فانيلا صغير
– 2 بسكوت ساده (مش حبتين ههههه اقصد 2 علبة بسكويت مارىاو نوع المهم ساده)
– 2 ظرف دريم ويب
– 2 ظرف كريم كراميل بس البودره
– 1 علبه قشطه
– ربع فنجان حليب
للتزين:
اما شوكلاته فليك مفتته
أو كورن فليكس مكسر ناعم(حبيته انا اكثر شي لأنه بخفف شوي من حلاوتها)
أو فستق حلبي مطحون.
الطريقه:
نترك علبه أيس كريم بره لتذوب ونضعها بالخلاط ونضيف لها باقي المقادير ما عدا البسكوت بعد ما ينخلطو منيح نضيف البسكوت نكون كسرناهم صغير بس مش مطحون اوكييي .
بعدين نضعهم بقالب كيك يكون شكلو حلو زيكم 
ونغطي وجه بنايلون وندخله الفرزير 3 ساعات على الأقل
بعدين بنطلعو وبنحط قاعده القالب في ماء ساخن حتى يسهل قلبه …. ونقلبه على طبق التقديم وزيني بالفستق أو كورن فليكس أو شوكلاته فليك مفتته على ذوقكم وغطوها ودخلو الفريزر لوقت التقديم او بلشو كولو منها وذوقو الذ واشهى وادسم كيكه أيس كريم 
انا عن نفسي بموت فيها 
.
الصور وصلوا
صحتين وعافيه بإنتظار ردودكم يااحلا صبايا. 
سلم هالديات يا اختي
بس والله ما عمري حيزبط معي ريجيم من ورا هالوصفات الشهيه
فعلا حاجه اورجينال على راي الفرنسيين
الله يخليك يا رب وجزاك الله خير 
كتبت بواسطة Um Obaid سلم هالديات يا اختي
كتبت بواسطة أم الأفكار بس والله ما عمري حيزبط معي ريجيم من ورا هالوصفات الشهيه
فعلا حاجه اورجينال على راي الفرنسيين
الله يخليك يا رب وجزاك الله خير
شو بدنا نعمل لا رجيم ضابط ونحرم حالنا من اكلات لذيذه كمان بكون ظلم ولا شو رائيك????
انتي جربيها بيوم الإجازة من الرجيم اتفقنا
كتبت بواسطة شــــ الورد ــــذى
سلم هالديات يا عسل
كتبت بواسطة هنلي سلم هالديات يا عسل
وممكن تغيري بنكهة الأيس كريم شوكلاتة مانجو شو ما بتحبي وصحتين .
هنلي بعدك ما ولدتي???بالسلامه ان شاء الله
ومن غير صور قاعدة اتخيل الشكل والطعم …….
ماننحرم منك اختي……