وليتني مت قبل لا القاك
ليت بيتي لا سكن حد بيتك
وليته لا مر يوم طرياك
هذاك اول يوم اني هوتك
واليوم لا بارك بملقاك
تكذب يوم تقول هويتك
وانا صدقتك وتعذبت لفرقاك
لكن ما قول الا ياليت ليتك
يبلاك ربي بالهوى ويزيد بلواك
لاجل تعرف كم من عمري عطيتك
وكم تعذبت وكنت من ضحاياك
لو طلبت العين نور عيني عطيتك
وان طلبت الروح الروح تفداك
لكنك بعتني يوم اني شريتك
روح دور لك من يشراك
وبقولها انساني مثل ما نسيتك
لا بارك فيك ولا منهو بشرواك
انا كرهتك كثر ما حبيتك
وكرهت عشرتك وكرهت دنياك
واليوم رجع قلبي ياللي عطيتك
وخذ كاس الموت اليوم يهناك
مشكوره علي المشاركه الحلوة
شكرا اخي على قراءتك و ردك
واتمنى ان اشارك بكتابات تعجبكم جميعا