احببت اليوم اني اطبق كيكة الباونتي للغالية تغريد العزيزة خالتو ام انس
●•°حلى متميز°•●كيكة الباونتي وبدووووووون الباونتي من مطبخ تغريد اهلا وسهلالالالالالا
المهم انو الطبقة الثالثة عبارة عن
للوجه
200 غم شوكولاته مره خام
2 كاس لبن 15 بالمئه نسبة الدسم وللفلسطينيات الشمينت
اما الشمينت فهو منتج لبن متواجد في فلسطين فقط ودسمه كبير و فيه حموضة
سالت الغالية لانو لا يتوفر لي فقالت اني بقدر استعمل سور كريم
بس كمان مالاقيت سور كريم او بالاحرى مادورت لانو ماعندي فرصة الفلف هاليومين
فقلت اسالكو شو ممكن بديل
خالتو امممم انس قااااااااااالت استعمل الي يعطيني الطعم تبع الشمينت
الظاهر زهقت من اسئلتي وحبت تزحلقني ههههههههههههههههه بمزح بس هادا كان جوابها
فانا مش عارفة شو اعمل
فكرت اخلط شوية زبادي عادي مع قشطة
بنفع
يعني شي = الشمينت = السور كريم = زبادي دسمه15%
شو رايكو مش عارفة وحابة كتير اطبق الكيكة وجبت المكونات كلها بس محتارة في قصة الطبقة الاخيرة
وكمان بدي اسال بنفع الكيكة الي محطوطة اعمل بدالها كيكتي المعتمدة لانو بتزبط وهشة ودايما ماشية معي
فقلت اي كيكة كاكاو
خالتو ام انس قالت جربي وشوفي
فانتو شو رايك
طبعا لا يعلى على كلااااااااااام حبيبتنا ولكن قلت اخد اراء واشوف
شو رايكو ناوية اعملو كمان شوي يارييييت تتفاعلو 
اي ساور كريم ينفع
ولو ما فيش حطي لبنه مع عصرة ليمون….
وهروووووووووووووب
مافي لبنة للاسفففففففففففففف
ومش حاسة الطعم بزبط ولا كيف
شكرا لمرورك وماتهربي انا ديموقراطية والله واتقبل اي شي
قشطة مع زبادي زي مفكرت مع شوية ملح وفي جو دافي تترك لمدة ساعة
يعني طلعت مبتكرة وانا مش دارية ههههههه
ان شاءالله لو مالاقيت ردود داعمة اعمل هيك وخلص
انتظر المزيد
او حطي جبنة طريه بتيجي اطرى من الفليلادلفيا
بس ازا عندكم منتجات المراعي اكيد اكيد بتلاقي سور كريم
وجربي كيكتك سوسو عادي
انا جربتها كيكة الباونتي كتير زاكية وكتير دسمة ههههه
وسؤااال
عندي مقادير كيكة بعملها بكوب العصير يعني كوب الطحين وكوب الزيت وهالحكي
وفيها 2 بيضة
بس انا بدي اعملها هالمرة بكبايات صغيرة يعني حجم الكوب اصغر
طيب والبيض شو حكايته برضو بضلو بيضتين
بس على اي اساس زبطت عالكوب الكبير
يعني ماكان في الوصفة الجرامات للطحين
فهل تفرق لو عملت بكوب الشاي
كاسة الشاي مش الفنجان
منا عارفة دسمة واضح جوز هند وزبطة سور كريم
بس مش مشكلة نجرب وندوق اليممميمم
اما انا اليوم عملتها و بالنسبة للسور كريم خلطت زبادي مع قشطة لغاية محسيته طعم حلو كان شبه السور كريم عنجد
وطلع المقدار علبة زبادي : 2 علبة قشطة بس كان ممكن زبادي اكتر عشان يطلع سور اكتر بس هيك عجبني
وهيها في التلاجة تنتظر ساعاتها عشان انقض عليها
شكرا لكل المتفاعلات وان شاءالله انزل التطبيق
وبعدين ابعتيه بسرعة
علشان نفسي بكيك بس مكسلة اعمله