اكيد الموضوع باين من عنوانه ومع انه اللي عملته بدائي جدا بتزيين الكيك بس قلت يمكن حدا ياخد منه فكره جديده
هي الكيكات عملتها لزوجي مع انه الكيكه الجاهزه اسهل وأحلى مليون مره وما بتكلفني مشوار تلت ساعه ومتل ما بقولو (time is money )
بس سبحان الله لما بشتريها جاهزه مابسمع منه الا شكرا وبمنتهى البرود ( طبعا لأنه بيعرف انه الفاتوره حتجي عنده بالنهايه
) بس لما بعملها بالبيت تقولو دبحت خروف على شرفه سدقوني واكتر وحتى لما بشتري هدية على قد ما بتكون غاليه ما بيفرح فيها متل لما بعمله كيكه مزينه وعليها اسمه( ما بقولو الرجل طفل كبير) المهم بلا كتر حكي ( لسه ما كترت ؟
) هي اول كيكه وكتبتله عليها كم كلمه حلوين بتحدا تقدرو تقروهم بس احسن بلا فضايح 
وهي من فوق
[/IMG]
وبعد ما تقطعت
[/IMG]
طبعا واضح من الصوره انها عباره عن كيكتين ومقسومين وحططيتهم فوق بعض بالتناوب وبدل الكريمه قلت بحط للأولاد شي مفيد فدهنت طبقه مربى توت وطبقه زبدة فوق سوداني وسدقوني الطعم بجنن كان
القلوب عملتها على ورق زبده من شوكولا بيضه مدوبه بحمام مائي اما لفة الشوكولا اللي حول الكيكه فقصيت ورق زبده بعد ما لفيته حولين الكيكه وعبيته شوكولا وهي اللي غلبتني كتير لأني رحت اشتريت شوكولا مره بدل الشوكولا العاديه فطلع التحكم فيها من اصعب ما يكون وصارت تتكسر تكسبر بعد ما بردت لفيتها عالكيكه بس ما ظبطت كتير معي
الشرايط كمان عملتها بالشوكولا البيضه على ورق زبده
اما البالونات فكنت ناويه ادهنها شوكولا وبعدين افقع البالونه الله لا يفقعلكم قلب 
واسحبه من تحت وحطها عالكيكه بس صراحه لزقت الشوكولا عالبالونه وخسرت الشوكولا والبالونه وبعد عدت محاولات وبعد ما انفقع قلبي حطيتها متل ما هيه وقلت عليه وعلى عدويني 
اما الكيكه التانيه
[/IMG]
مابعرف ليش ما كتير واضحه الصوره بعد التصغير مع انها بالاساس واضحه بس هون خلطت الكريمه مع زبدة الفول السوداني ( مدمنة زبدة فوق سوداني 
) وحشيتها فيها
اوراق الشجر شفتها مره الفكره على بموقع نسيت وين بالضبط بس الفكره هيه جبت اوراق شجر من الجنينه ودهنتها شوكولا والمفروض تحددي الورقه باللون المعاكس للون اللي عبيتي الورقه فيه بس يومها كمان استخدمت نفس نوع الشوكولا وما ساعدتني ابدا اني اعمل هالحركه فحطيتها متل ما هيه
سدقوني لو بتعملو هالافكار مع شوية صبر بتطلع احلى بكتير بس مشكلتي لكاكاو اللي عندي نوعيته جدا سيئه واذا بتلاحظو الشوكولا البيضه ما غلبتني ابدا والتحكم فيها سهل بس اظاهر الشوكولا المره ما بتستخدم لهيك مواضيع وصبر ووقت ماااااااا عندي ( شفتو الأعذار 
)
وكمان لو بنزين بالكريمه الجاهزه المخفوقه مسبقا بتطلع احلى بكتير بس محسوبتكم بتحاول تخفف السعرات الحراريه بالأكله حتى لو كان على حساب شكلها
ساحموني يابنات لو دخلتو الموضوع وما لقيتو جديد 
بحبكم كتير يا بنات لك
ودمتم بصحة وعافيه 
افكار حلوه وتزيين رووعه
بالنسبه للبلونات تقولي ما ضبطت بعد مسحها بالشوكولاته
على طول بالفريز واستخدمي شوكولاته نوعيه ممتازه
علشان لما تطلعيها ماتسيح معاك بسرعه
تسلم يدك على هالافكار الحلووه
..
ههههههههههه الكتابه طلعت واضحه بوحده من الصور
قد الحروف اللي با اسامي العاشقين بحبك صح هههههههههه
..
يييييييييي شوحلوووووووووه
بتجننننن يارووووز عن جد رائعه
صح كلامك يمكن الجاهز اسهل واوفر
بسسسسسسسسس لماحدا يخصك بتحضير هيك كيكه طبعا لها طعم غير الطعم
الله يخليكم لبعض ويسعدكم دايما يارب
وكيكه القلوب كتيرررررررررررررر لزيزه فكرتها
رومانسيه والله حركااااااااااات
وتجنننننننننننننننن
وتشهيييييييييييييي
كثيييييييييييييييييير
عاشت الايادي……………..تعيشي وتعملينا نماذج اخرى كمان
بس الكتابة كانت كثير واضحة
من قد…………الى………….بحبك
مثل ما قالت رهف
الله يسعدك انتي واسامة
اسامة صح؟؟
يعني ما بيعجبهم الا انك تدلليهم بيستاهلو
تسلم الايادي والله شئ مرتب ومن القلب طالع
نياله تسلمي يا قمر
انا حابه اسال ايش هي الشوكلاه الي غطيتي بها وجه الكيكه الاولئ
أخت Rahf
تسلمي حبيبتي على ذوقك وكلماتك الرقيقه باين عليكي شاطره بتزيين الكيك
بالنسبه للبالونات عزيزتي كيف بتخليها عالواقف بالفريزر ؟ وبعدين اول ما لمست الشوكولا البالون انفقع باعتبار ان الشوكولا سخنه ياريت اذا بتعرفي تشرحيلنا الطريقه ولو بموضوع منفصل 
وبعدين خلي الطابق مستور فضحتينا 
عم امزح شكرا على مرورك عزيزتي أخت طيف
الله يخليكي يارب وتسلمي على الدعوه الحلوه الله لا يحرمني من طلاتك الحلوه على مواضيعي وسدقيني ما بنطلع نقطه ببحر فنونك
أخت اليلاس
اهلا وسهلا مرورك الأرررررررررررروع سدقيني تسلمي حبيبتي والله يسعدك يارب انتي والحبيب ويخليلك الطفل
أخت رندوش
الله يسلمك يارب اما عن الدلال فخليها لربك سدقيني بيطلب المحشي والكبب وورق العنب وبعدين بيشمها شم يادوب ياكل قطعه قطعتين
احيانا بحس انه الغايه الوحيده انه يشغلني بس قولتك ليش 
؟ استنى رايحه دور بجيوبه أسعدني مرورك عزيزني أخت HOME 2024
يا اهلا وسهلا بك وبمرورك الرائع
اما عن اللي غطيت فيه الكيكه فهوه كريمة دريم ويب عزيزتي والأحلى منها هيه الكريمه الجاهزه المخفوقه بتكون ماسكه اكتر وشكلها احلى بس سعراتها الحراريه مرتفعه جدا الله يهنيكم و يسعدكم و يخليكم لبعض و تعمليلو كمان و كمان عشان يضل مبسوط من هالدلال.
تسلم الايادي اللي ابدعت
تسلمي يارب على هالدعوات الحلوه ولك مثل ذلك ان شاءالله مجهود على قدي ماشاءالله عليكم كل وحده اشطر من التانيه كل ما بعمل شي بيعجبني برجع بشوف ابداعاتكم بلاقي حالي فاشوش
أسعدني جدا مرورك