السلام عليكم ورحمة الله وبركاته
ازيكم يا بنات الاسلام
ازي امهاتكم …؟؟
ياتري بوستى ايديها ورجليها النهارده؟؟
ياتري بتدعيلها فى كل صلاة ان ربنا يحفظها من كل مايؤذيها
ويخفف عنها آلامها التى لا تبوح بها لكى عشان متتخضيش عليها
هل انتى حاسة بحبها ليكى
هل انتى فاكره كم مرة زعلتيها وضايقتيها؟؟
طب فكرتى وانتى صغيره تعبت أد ايه
وسهرت اد ايه لما كنتى تعبانه عشان قلقانه عليكى
طب ماتفتكري كدا تضحياتها عشانك
وشوفى المفروض تقدميلها ايه نظير تضحياتها دى
وافتكري كدا انها كانت ممكن تحرم نفسها من الاكل عشان انتى تاكلى
وتقولك انا مش جعانه كلى انتى بس اهم ..اكيد امك عملت كدا فى يوم من الايام
فاكره لما كنتى بتغلبيها عشان تسمعى الكلام
اكييييييييييييييييييد
فاكره
فاكره مرحله المراهقه وعندك وتمردك
اكييييييييييييييييييد
انتى فاكره
طب اسئلى نفسك كدا هل انتى فعلا بتحبيها
متأكده
طب مستنيه ايه عشان تبريها حق البر؟؟
لأ انتى مش موفياها حقها انا متأكدة
هل تقدري تعملى ليها اللى كانت بتعمله ليكى وانتى رضيعه
اتحداكى
فاكره ساعتها كانت بتأكلك وتغلب معاكى وتنظفك وتغسلك
ياتري شكرتيها على كدا
فاكره ساعتها برضه عياطك طول الليل وانتى بيبي
وسهرها معاكى لانك مش عايزة تنامى
لو انتى أم هتحسي باللى بقوله
طب فاكره لما كانت تنظف اوضتك وانتى فلحظه تقلبيها زريبه
طب شكرتيها امتى على كدا ؟؟؟
فاكره الشخبطه على الحيطان وهى تقعد تغسلها؟؟؟
شكرتيها ولا لأ؟؟
فاكرة لما كنتى بتاكلى وتوسخى هدومك وهى تغسلها وتقول فى نفسها
مش مهم المهم بنتى تاكل
فاكره كام سجاده وقعتى عليها الاكل او الشرب
وهى تغسل وتتعب
هاه … شكرتيها امتى ؟؟؟
فاكره …فاكره…فاكره
ياااااااااااااااااااااااااااااااااااااه
دا الامهات دول تعبوا بطريقه
عشان نبقي دلوقتى متعلمات ومثقفات وعشان نبقي مؤدبات ومحترمات وزوجات صالحات وامهات
طب مستنيه ايه …ايه اللى مانعك انك تبريها حق البر؟؟
مش هتحسي بقيمتها غير لما تفقديها
طب ايه رأيك لما تحسي بقيمتها دلوقتى قبل مايجى اليوم دا
دى غاليه اوى اوى والله
وساعتها هتلاقى نتيجه عملك دا فى الدنيا والاخره
هتلاقي ربنا راضى عنك وبيسرلك امرك فى الدنيا
وفى الاخره جزاء البر كبير جدا ورضوان من الله أكبر
ثبت في الصحيح عن أبي هريرة – رضي الله عنه – أن رجلاً قال :
(( يا رسول الله ، من أحق الناس بحسن صحابتي ؟ ، قال : أمك ، قال : ثم
من ؟ ، قال : أمك ، قال ثم من ؟ ، قال : أمك ، قال : ثم من ؟ ، قال : أبوك . ))
كل عام وانتِ بخير
ولا تحرمينا من روعه مواضيعك
مودتي~
ولا تحرمينا من روعه مواضيعك
مودتي~
كتبت بواسطة نبض لك 
كل عام وانتِ بخير
ولا تحرمينا من روعه مواضيعك
مودتي~
ولا تحرمينا من روعه مواضيعك
مودتي~
وانتى بخير
تسلمى على المرور
السلام عليكم ورحمة الله وبركاته
اللهم اغفر لهما وارحمهما كما ربياني صغيرا
جزاكم الله خيرا
بارك الله فيكِ أختي
و جزاك عنا كل الخير
و جزاك عنا كل الخير
يسلمووووووووو ع الموضوع الرائع
الله يعطيك العافيه