من كام يوم نزلت الغاليه ام شادى صينية قرنبيط تحفه على الرابط ده:
*طبق متميز*<< صنيه كرنبيت >> << من أم شادى >> بالصور التفصيليه
بس انا لقيت ان طريقتى مختلفه حبتين صغننين فقلت انزلها برضه للإفاده وعلشان اورى الغاليه ام شادى شطارتى …..
الأول سلقت القرنبيط عادى جدا فى ميه وكمون
وبعدين حمرت شرائح بصل
وبعدين حمرت القرنبيط من غير ماحط عليه ولا حاجه وبعدين ضفته على البصل
وبعدين قطعت طماطم مكعبات وضفتها وكمان عصير طماطمتين وحطيتهم عليهم
وزودت ميه وماجى وقلبت كويس وهوب على الفرن
واكلناها هم هم مع رز أبيض
وبس كده
فيه اسهل من كده ؟
روووووعه يا كوكو تسلم ايدك
كتبت بواسطة noorelhoda 
روووووعه يا كوكو تسلم ايدك
تسلمى انتى ياقمرايه يارب …. كلك ذوق والله …..
بس انا بخاف من القرنبيط قوي عشان بيخرب بطني
بس طريقتك حلوة اوي بس خايفة تكون تقيلة على معدتي اوي
انتي ايه رايك انا بثق في ذوقك عشان لو كده هعملها علطول لان شكلها فوق الوصف ورائع
فعلا تحففه وانا بحب القرنبيط جداااااااااااااااا
تسلم الايادى يا قمرايه
وبالنسبه لاتنفاخات البطن من القرنبط
حطى ملعقه صغيره كمون وانت بتسلقيها يا رويدا
وان شاء الله كوكو تفدماااااااااااااااا
هو شكله حلو
بس للاسف
ماليش فى القرنبيط خالص مش بحبه
بس من ايديكى حلو وحاكله اوعى تاكلى نصيبى
والشكل شهي
تسلم الأيااادي
شخبوطه الجميله …. طب مش كنتى جيتى اتغديتى معانا …. ماكنتش اعرف انك بتحبى القرنبيط اوى كده …. خلاص المره الجايه اجيلك زيارة بقرنبيطايه بدل بوكيه وردددددددد …….
marhba …… ان شاء الله مافيش وجع بطن ولا حاجه …. والأكله حاتعدى بسلام …. بس زى ماقلت معلقة الكمون فى السلق وصفى الزيت كويس وماتسبكيش الطماطم قبل ماتحطيها على القرنبيطوالف هنا وشفا…..
جنى 23 ….. ياشيخه ….. فيه حد مش بيحب القرنبيط برضه …. اوعى تقولى كده قدام أحمد لا يطلع زيك …. …
مصرانيه اصيله …… تسلمى انتى ياغاليه يارب ….. بتسعدينى بكلامك….
تورتاية بالكريز ……. ياحبيبتى انتى اللى تهبلى بكلامك وصباحك السكر …. وفعلا التحمير قبل التسوية بيديله طعم مختلف تماما ….. والف هنا وصحه وعافيه عليكى مقدما …..