لما قريت عن المشاط على النت وعملت عليه بحث لقيته حكايه للشعر تطويل ونعومه والخليجيات وخصوصا الكبار فى السن يعرفوه كويس بعت ادور عليه عند العطارين الكبار بس قريب كده كنت بدور على النت فلقيت تانى كلام عن المشاط وانه شكله لما تعجنيه بالمايه يبقى زى الحنه قلت ايه ده بقى
وما كدبتش خبر وقتلت الموضوع بحث تانى لقيت فعلا الكلام بجد
جريت بنفسى بقى على حراز وقابلت الدكتور اللى عنده وحكيت له قالى انا معرفش
الحاج موجود اطلعى له واسالى
قلت ما بدهاش نروح للحاج ما انا لازم اعرف
طلعت واول ما سالته عن المشاط لقيته رفع راسه يبص لى كده وقالى انتى عايشه فى الخليج قلت له لا كنت من فتره قالى امال تعرفى المشاط منين قلت له من النت
ضحك وقالى برافو عليكى
والله زى ما بحكيلكم كده
وقالى ياااااااااااااااااه انتى رجعتينى سنين لورا ده المشاط ده ماحدش هناك بيرضى يقول تركيبته بس انا جبتها من هناك من سنين لكن ما حدش فى مصر يعرفه
قلت له عايزه قالى تعالى بعد يومين قلت له مشوارى بعيد جدا رفع سماعه التليفون
وسال اللى رد عليه على المشاط لقيته بيقول الله يكسفك لا طبعا مش ده ادينى فلان
عارف المشاط
ايوه الله ينور عليك اللى انا كتبت لك تركيبته من سنين عندك التركيبه الله ينور عليك
صح كده ورق اس وزر ورد و000000000
طبعا النقط دى لانى ما كنتش سامعه التانى بيقول ايه
المهم قالوا اعملى عشرين كيلو والمدام هتنزل لك اديها كيلو دلوقت
وقالى ب 40 جنيه
قلت طيب نزلت الراجل بصراحه وقف يحط حاجات كتير اوى بس ما قالش ايه هى كان بيقرا من اجنده وقالى دى معايا من سنين بس ما حدش بيطلبها
المهم جهزها وطحنها ناعم اوى وقالى لو ما اطحنش ناعم اوى مايبقاش مشاط
المهم نسيت اقولكم الحاج قبل ما انزل قالى تعجنيه بالمايه وهو هيكون شكل الحنا بالظبط وتقلبى شعرك على ادام وتبتدى تحطى على شعرك كله والجذور كمان
وتسيبيه على شعرك خمس ساعات مره كل عشر ايام وهتلاقى نفسك مش عارفه تضفرى شعرك من النعومه والطول
وعلى فكره ريحته جميله يا بنات وشكل الحنا بس مش حنا خالص هحط لكم الصوره
انا عملته واديت لصاحبتى شويه عملت 3 مرات انا عملت مره واحده بسبب ظروف كده
بس هى استمرت شعرها طول كان لاول كتفها نزل بعد ال 3 مرات تحت الكتف وشكله زى اللى ملفوف طاقيه شكله رائع بس بصراحه هو مزعج فى غسيله لانه بياخد وقت لان بيكون فيه زى حبوب صغيره كده بس انا لما عملته غسلت شعرى تحت المايه وانا بسرحه بمشط علشان انزل الحبوب دى اما عنى انا فلما عملته مره كان فعلا زى اللى ملفوف طاقيه وكان ريحته جميله بس انا الحقيقه عملت مره واحده
بس من النهارده ان شاء الله هواظب كل عشرايام
بس عموما هو مش محتاج كلام الحقيقه هو بتكلم عن نفسه
هحط لكم الصوره
مستنيه بقى ردودكم بعد كل الرغى اللى انا رغيته ده
ما حدش يقول عليا رغايه انا كنت عايزاكم تستفيدوا بس حق الاختراع ليا
ههههههههههه
الاخت احب ربى
مع تحياتي pink-eyes
شكلها زى الحنا بالضبط بس متكونه من اعشاب كتير وملوطه مع بعض ومعروفه فى كل دول الخليج
والسعوديه بالذات وده سر من اسرار جمال شعور السعوديات لان النساء الكبار زمان كانوا مواظبيين عليه علطول
والطريقه بتاخدى معلقتين او اكتر على حسب طول شعرك وبتتعجن بماء وتحطييه على شعرك
5 ساعات او ممكن من الليل للصبح وبعد كده يتغسل
ومميزاته تقل للشعر ونعومه وريحه جميله وطول ارجو تكونى فهمتى حبيبتى واى سؤال تحت امرك
واضح من كلامك إن الحبوب اللي ماتنزل من الشعر هي حبوب (المحلب ) لأنها هي اللي تطول وتكثف الشعر
والحنا ماله مثييييييل ابدا لكن من اللي يستخدمه باستمرار
هذي بعض المكونات محلب اسود او ابيض+ورد مجفف+ قرنفل +هيل +عفص كلها تكون مطحونةوتعجن بالماء
وهذي وصفة موجودة بالنت
خزامى
بروفيوم صلب
بردقوش
ورد مجفف
مرتكي
محلب
جزاك الله خير
اعرفه بس ماجربته وفيه ناس تعجنه مع الحناء او من مكوناته حناء وسدر
و ورد ومحلب ووو الخ
واعتقد تختلف مكوناته من ناس لناس و من عطار لعطار
هو مزعج فى غسيله لانه بياخد وقت لان بيكون فيه زى حبوب صغيره كده بس انا لما عملته غسلت شعرى تحت المايه وانا بسرحه بمشط علشان انزل الحبوب دى
اغسليه بماء وبلسم او ماء وحمام كريم
انا كنت مثلك بالحناء و من فضل الله ثم الطريقه ماشاء الله يجنن ولله الحمد
كتبت بواسطة *دموع الصمت* 
واضح من كلامك إن الحبوب اللي ماتنزل من الشعر هي حبوب (المحلب ) لأنها هي اللي تطول وتكثف الشعر
والحنا ماله مثييييييل ابدا لكن من اللي يستخدمه باستمرار
تسلمى يا قمر هو فعل روعه بجد نورتى
كتبت بواسطة كنوز الطبيعة هذي بعض المكونات محلب اسود او ابيض+ورد مجفف+ قرنفل +هيل +عفص كلها تكون مطحونةوتعجن بالماء
وهذي وصفة موجودة بالنت
خزامى
بروفيوم صلب
بردقوش
ورد مجفف
مرتكي
محلب
تسلمى حبيبتى جزاك الله خيرا يا رب
فعلا ده بعض من مكوناته
كتبت بواسطة ورده في البستان جزاك الله خير
اعرفه بس ماجربته وفيه ناس تعجنه مع الحناء او من مكوناته حناء وسدر
و ورد ومحلب ووو الخ
واعتقد تختلف مكوناته من ناس لناس و من عطار لعطار
اغسليه بماء وبلسم او ماء وحمام كريم
انا كنت مثلك بالحناء و من فضل الله ثم الطريقه ماشاء الله يجنن ولله الحمد
نورتى الموضوع حبيبتى
فعلا هو اكيد بيختلف بس حراز ده عندنا اشهر عطار فى مصر وهو الوحيد
الى طلع عارف المشاط ده