قصيدة كتبها شاب عمل حادث سيارة و والدته كانت معاه وكان مسرعا
نتيجة هذا الحادث
الوالدة توفت نتيجة الاصابات الخطيرة
و هو إصابته كانت خفيفة
و هذي الأبيات قالها للي يواسونه
يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني من الصرخات
ابي اصحى ولكني عجزت القى ال يصحيني
فداك القلب يايمه ومهما قلت من كلمات
صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني
تجول عيونهم فيني تفصل مني قياسات
وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبي بسكات
واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني
الله يرحم موتانا و موتا المسلمين
م ن ق و ل
كلمااااااااااااااااات تجدد وتصحي ذاكرتنا النائمه تجاه والدينا
كل اللي ابي اقوله :
الله يرحم والدته ويرحم حالته ويصبره
اختي همس المساء:
مشكوووووووووووورة وقصيده جدا رائعه
وتسلم ايدين اللي ناقلتها…
قصيدة مؤثرة جداً ورائعة ..
رحم الله والدته وجبر مصابه ..
أثابك الله أختي على نقلك الموفق..
ينقل لركن فيض القلم ..
ورحم فقيدتك وادخلها فسيح جناته
القصيده جدا رووووووووووووعه ومؤثره
واتمنى اسمع قصائد في مناسبه افضل………
الله يعطيك العافيه……..
اختكم نعووومي
سلم لنا نقلك وقلمك الرائع
فلا تنسينا من هؤلاء الصادقين في مشاعرهم
وتقبلي كل تحياتي
سلمت الأنامل
كلمات تذيب جليد القلوب
دام قلمك مبدعا…
الله يرحم والدته ويسكنها الجنة ويرحم موتى المسلمين
ويصبر قلبه على مصابه
اسأل الله ان يهدي من اضل
همس المساء
سلمت اناملك على النقل
بارك الرحمن فيك
شكراً على هذا النقل الموفق.