بسم الله الرحمن الرحيم
يعني من أطيب الحلويات الشامية يلي ممكن تدوقوها المدلوقة
لا تقولوا دسمة و تقيلة
الواحد بياكل قطعة صغيرة مو لازم يطلع بالصينية ..
المهم
1-العجينة:
و نصنعها من فرك الكنافة
ما هو فرك الكنافة؟
نحضر عجينة الكنافة المعروفة و نفرمها بمفرمة اللحمة أو الخلاط لتصير ناعمة و متل العجينة ، لكن لسهولة العمل رح نعمل شي تاني بدل ما نجيب العجينة و نفرمها نصنع ما يشبهها..ماشي
2- طبقة القشطة و لازم تكون بلدية و أصلية و متل ما قالت لبنان منجيبها من الميدان
طيب و ما قدرنا نروح عالميدان ، شو نطلع بلا الأكلة؟؟!!
لا طبعا" رح نعمل كمان ما يشابهها في البيت.
و الآن تعالوا معي للمطبخ:
أولا" القشطة:
*نضع بالطنجرة 5 كاسات حليب و نغليها طبعا" هون ما بينفع نقول ريجيم و نستخدم حليب قليل الدسم ما بتظبط
* بس يغلي الحليب نضيف له 2-3 ملاعق خل أبيض أو نص ملعقة صغيرة ملح الليمون
ما تكتروا بتطلع القشطة حامضة و مو طيبة.
* ماذا سيحصل؟
رح يفرط الحليب يعني ينفصل الماء عن المادة الصلبة( و هي ما نريده)
نحن نسميها قريشة
لاحظتوا شو صار
نترك المزيج حتى يبرد و نصفيه بمنخل ناااااعم أوقطعة شاش
و نحصل على الآتي:
و لحتى تصير القشطة أطيب نخلط معها علبة قشطة نستلة
اذا ما عجبكن بلاها
المكونات:
كوب و نصف سميد
كوب طحين أبيض
كوب سكر
كوب و نصف سمنة أو زبدة
الأصل بيستخدموا سمن بلدي
(6-8) أكواب ماء+ماء ورد+ماء زهر
نضع على النار وعاء و فيه الماء و السكر و لما يدوب السكر نضيف السمنة و ننتظر شوي لما تدوب.
لما تدوب السمنة نضيف السميد و الطحين و نحرك بسرعة لمنع التكتل
نستمر بالتحريك حتى نحصل على عجينة متماسكة
اذا لقيناها سميكة شوي نرجع و نضيف كاسة ماء
الآن نضع طبقة القشطة و يجب أن تكون سماكة القشطة بسماكة العجينة و لو أكتر معليش.
حطوا كتير
و طبعا" نكون عاملين القطر مسبقا" و كل واحد بيسكب القطر بطبقه حسب الرغبة
و كل عام و أنتم بخيييييييييير
يلي بتقرب على قطعتي بتاكل سفأة على ايدا ههههههههههههه هي الي انا اول رد
يسلموا ايديكي حبيبتي على المدلوقة شو طالعة بتشهي ما قصرتي بالشرح يسلموا ااااااااا
كتبت بواسطة *عاشقة الاقصى* 
يلي بتقرب على قطعتي بتاكل سفأة على ايدا ههههههههههههه هي الي انا اول رد
يسلموا ايديكي حبيبتي على المدلوقة شو طالعة بتشهي ما قصرتي بالشرح يسلموا ااااااااا
مية مرحبا بأم سوسو منورة
و ألف صحة و هناااا
يعني جايي على اسمي
ما شاء الله الشرح وحده يسيل اللعاب وطريقة القشطة انا لسا مو مجربتها هيك وباينة غير شكل..
الله يسلم دياتك رغود والف صحه حبيبتي
تغريد هي رغود عارفة انو هي متوصية كتير بالقطعة..
هيك شقفة باكلها أنا والجيران
يعني مو فارقة بتقاسمها انا وأخواتي في المنتدى.. وأم سوسو نعم الأخت..
كتبت بواسطة لبنان وحبايبه يعني جايي على اسمي
ما شاء الله الشرح وحده يسيل اللعاب وطريقة القشطة انا لسا مو مجربتها هيك وباينة غير شكل..
تسلمي حبيبة قلبي الغالي بيرخصلك
و نحنا من بعدك يا جميل
كتبت بواسطة تغريد2017 الله يسلم دياتك رغود والف صحه حبيبتي
أنو شو قصتكن..تركتوا الصينية و قعدتوا تنازعوا لولو بصحنها
خير الله كتير تغريد و أم سوسو
و ألف صحة و هناا يا رب
احنا كمان بنعملها بس بكنافه ناعمه جاهز من عند الكنفنجى بحبها اكثر من السميد
وبزينها كمان بلوز علشان الدسم اكثر ههههههههههههههه والقشطه بنحطها على جنب وكل واحد بحط حسب حاجته
هى التى لى جبت صحنى واجيت
جزاك الله كل خير
روووووووووعه يا قمر
تسلم ايديكي