أهلين إختي أسيرة الموج تعالي بسرعة أنا محتاجة لك
أنا أخذت بكلامك واشتريت تمليسة ( سوفت آند بيوتيفيل بوتانيكالز) بالأعشاب
بس بصراحة لما شفت شكلها خفت أغامر لأني ما مرة جربت على شعري ها لأشياء
وشعري مو خشن مررررة يعني يمشي حاله مع الإستشوار بس زي ماقلت لك شعري بالإستشوار تكون أطرافه خشنة وباين طبعاً إنه مستشور ومع
الخلطات الطبيعية صار شعري من أعلى دهني كثير بينما الأطراف على وضعها بس صار فيه لمعة على الأقل وراحت الخشونة شوي
يعني قولي لي الله يعطيك العافية تناسبني أ و لا و بما إنك خبيرة تجميل قولي لي إذا كنت مرَّة جربتيها على وحدة أم لا ؟ وقولي لي وكيف كان شعرها قبل وكيف صار شعرها بعدين
وأنا بصراحة اللي أشوفهم مملسين شعرهم يبين إنه مو طبيعي ويصير من أعلى ناعم بلا كسرات في أول مرة بعدين يرجع خشن أزيد من قبل والأطراف مررة
تعبانة و أنا خايفة يصير شعري كذا قلت أقعد على الإستشوار أحسن
بس بصير شجاعة و بجربها إن شاء الله
ويوم قرأت الطريقة ما فهمت شي لأني زي ماقلت لك مامرة جربت تمليسات
ياريت إذا ماأكون كلَّفت عليك تعلميني الطريقة بالضبط
والله يعينك على أسئلتي
* كم أخليها على شعري لأني قرأت إنها توضع مو أقل من 48 ساعة و وش سالفة جدول التوقيت اللي مكتوب فيه ناعم : 12 دقيقة متوسط : ……………إلخ
ويا ليت تشرحين لي أختبار الحساسية كيف أعمله ووين بالضبط واختبار الجديلة متى أسويه
* ويصلح أحطها على شعري المصاب بالقشرة
لأني أعاني من القشرة و أستخدم شامبو نيزورال الطبي من فترة بس مافيه فايدة
* أحطها على الشعر بس أم حتى على فروة الرأس
* أضع الكميات اللي في العلب كلها A /B أم كمية معينة يعني الكميات للإستخدام مرة واحدة فقط أو كذا مرة
* أدري كثرت عليك أسئلة بس موبيدي ،،،،،،،، فقرة( 3- التنعيم) اشرحيها لو تسمحين ( صارت مسألة رياضيات )
* و أخيرأً تغنيني هالتمليسة عن الإستشوار أو لا لأني تعبت منه ولازم أداوم عليها زي ماهو مكتوب كل 6 أسابيع
أدري إني أزعجتك وكثرت عليك
والله يعطيك ألف عافية ويجزيك الجنة ساعديني وبدعيلك ليل ونهار
وبما إنك في الشرقية قولي لنا وين بالضبط تعملين إذا ما عندك مانع عشان نزورك ونسلم عليك
واللي مجربتها من العضوات تقول لنا النتيجة
اذا كنتي خايفة تجربيها على شعرك و يصير له شي ….
جربي او شي على خصلة شعر بس تكون من تحت ,,, اذا صار شي للشعر من التمليس
لا تكملي على باقي الشعر ….
اما اذا لاحظتي ان الشعر لم يتقطع او يتساقط في يدك وقت التمليس كملي التمليس على باقي الشعر ….
وإختي أسيرة الموج وينك أنا في انتظارك
أنا في انتظارك
~أوكية هذي ممتازة حتى لذوات الشعر الناعم
قوليلي في البداية وشهو شكل العلبة
بالضبط أوكية
وآسفة حياتي تأخرت عليك كنت مشغولة وما فتحت النت توني أشوف ردك
المواصفات كالآتي
العلبة كرتونة مكعبة تقريباً ولونها مو زي ماقلتي خضراء هي لونها بطيخي على بيج وفي الوسط
مرسوم مربع أخضر موجود فيه صورة مرأة شعرها قصير لونه أسود على فكرة لابسة حلق
وتحت الصورة مكتوب ( مملس شعر غير قاعدي لفروة الرأس الحساسة ) باللون الأسود
( مؤسسة الزوار التجارية )
وعلى يمين الصورة مكتوب (تركيبة ملطفة لمملس الشعر الفعال ) باللون الأخضر
بعدين مكتوب باللون الأبيض ( عادي ) مظللة بالأخضر
وتحته ( يحتوي على خلاصة نبات زهرة الصبار مكيفات عشبية للشعر تضفي على الشعر
الحيوية والقوام )
و أعلى الصورة ( أسلوب فرد وتمليس الشعر بالأعشاب خصيصاً لفروة الرأس الحساسة )
وفي الأعلى ( سوفت آند بيوتيفل ) ( بوتانيكالز )
هذه المواصفات للوجه الأول من الكرتونة
في الوجه الثاني مربع أخضر فيه صورة لثلاث نسوان شعورهم قصيرة وتحت الصورة مرسوم أربع مستحضرات وجنبها كتابة بالإنجليزي
و إذا تحتاجين أوصف لك أكثر أنا حاضرة
ولا تنسين الله يعطيك العافية تجاوبيني تغنيني عن الاستشوار أو لا
آسفة تعبتك معي
أضرارها غير مذكورة علمياً كونها مكونة من الأعشاب الطبيعية لاتسبب حساسية أو هرش أو حراره أثناء وضعها على الشعر تجنبي ملامسة الجذور الأصلية لشعر
علبتها خضراء مرسوم عليها أعشاب ومن ورى مكتوب عليها بالأنجليزي ومرسوم شعر مرأة من لأمام
ومكتوب عليها سوفت أند بيوتيفول بالأعشاب**
يعني إلي شريتيها مو هي وأتوقع لها أجابيت ويمكن توكون لها سلبيات حبيبتي