أخواتي الغاليات….أكيد كل وحدة منكم….دائمة اتفكير في بواقي الطعام اللي يتبقى….سواء أنتِ وأهل البيت أو عندك ضيوف …!!!لابد يتبقى شئ…!!ولا إيه؟؟
طيب أنا حابه هنا نشارك مع بعض ونجيب أفكار تكون سهلة وعملية ونستفيد من بواقي الطعام…!!
ولا ننسى إن الله سبحانه وتعالى بيسألنا عن هذه النعم..(الهكم التكاثر…
أنا في الدار تناقشت مع بعض الأخوات إيش تسوو في الأكل صراحة أفكار حلوة وممكن نستفيد منهاا…!!!أحسن ماتنرمي…!!
أقولكم بعضها…
واللي حابه تزيد حياها الله….
بالنسبة للأرز……إذا بقي منك ممكن تحطيه بعلبة وتحطيه بالفريزر….ولمى يتوفر عندك….خضار للمحشي…تجيبيه وتحشيه بالخضار….
أيضاً…الخبز جيد لو قطعتيه قطع صغيرة…ثم تحمريه….ونحطيه في الفريزر…..ولمى تبغي….سلطة فتوش….خوذي منه وبسهوله..!!
أما السلطة….حاولي ماتحطي ملح على نفس سلطانية السلطة….وكل واحد ياخذ حاجته منها وإذا بقي شي….ممكن يوضع في الثلاجة….ثم إذا بغيتي سلطة….حطي شوي بقسماط وملح عليها وراح تكون طعمة مرررره..!!
المكرونه….إذا بقيت….حطيها في الثلاجة أو الفريز…ثم إذا سويتي رز ممكن تحميها مع ليمون وزيت زيتون…وتحطيها فوق الرز مع البصل والزبيب والزعفران..!!
إذا بقي عندك شابورة…إطحنيها…وحطيها في علبة وحطيها في الفريزر…وإذا حابة تحمرين بطاطا أو توست….تغمسيها في البيض ثم الشابورة المطحونة(البقسماط)
أما الإيدام إذا بقي عندك…ممكن تحطيه بعلبة في الفريز بعد ماتنشفيه من مويته….ولما تسوي رز أبيض…ممكن تجيبيه…وتحطيه تحت في القدر…وممكن تسبقيه ببطاطا محمره(حتى لايتلزق)…وتحطي الرز فوقه…وتصير مقلوبه..شهية(بإذن الله)
أما عن الخبز والتوست والصامولي…ممكن تطحنيه وتحطي عليه زبده….ثم ترصيه بصينية….وتحطي عليه قشطة….ثم فوقه الطبقة الثانية من الخبز….وحمريه بالفرن…تحت وفوق ثم تطلعيها من الفرن وصبي شيرة وتصير…كنافة تجنن..!!
لو زادت كمية الفواكه عندك…لايمنع أن تقطعي…من كل واحدة قطع مربعة….وتضعيه سلطة فواكه…مع سكر مطحون معه قليل من الحليب…
قطع البسكويت المتبقية ممكن تستخدم لعمل صينية حلى بسيطة….أو يكسر ويوضع في علبة ويحفظ في الفريزر….لحين وقته..!!
*****************************
هذا ماستطعت ذكره….وصدقيني….ياغالية…إذا حرصتِ على مايتبقى…دون رمية….فستنعمين في عيشك..
.
وإذا كفرت……… فرت…)
جزاك الله خيرا
سلمت يداك
جزاك الله خير
وممكن باقي الاكل اجمعيه بكيس بالفريز واذا طلعتي للبر او مزرعة ضعيه للغنم والعصافير وووالخ
بالنسبة لي ..
اذا كان هناك فائض من المعكرونية احطه في كيس نايلون واحفظه بالثلاجة في اليوم الثاني اضيف له خضار وصوص وتصير احلى سلطة مع الغدا ..
اما الحلويات اغلفها بنايلون وفي اليوم الثاني اطلعها من الثلاجة واخليها شوي برة الثلاجة وفي العصر احطها مع القهوة وااااو يا سلام .
اما الخضار مثل البصل والثوم والورقيات والطماط وغيرها اللي تصلح للطبخ .. اذا فاض عدي اغلفه بكيس نايلون واستعمله وقت الحاجة مع الاطباق اللي بالفرن او انواع المرق او حمسات او اي طبخة محتاجة خضار …
وانا من النوع اللي احب دائما اذا شريت طماط اخذ اللي قرب يخترب وانظفه واشيل الجزء اللي بيخرب وافرمة بالخلاط واحفظة بعلبة او كيس نايلون نظيف بالفريزر للدقوس والمرق والصلصات ..
هذا اللي عندي الحين واذا تذكرت شي برجع لكم …
مشكورة اختي الغالية على الموضوع المفيد …
radwa om ali
تسلمن على تشريفكما….
وردة في البستان….
رمانة الكويت….
مشاركتكما رائعة…..
تفضلي هذا الرابط للغالية تغريد
اطباق من الارز البايت تفضلي عزيزتي شاركينا ولنحافظ على نعمة الله تعالى