بنتي عمرها سنة وشهرين، وهي عندها حساسية بالصدر بس وايد تحسنت الحين بفضل الله ثم بفضل العسل والحبة السوداء.. لكن صار لها تقريبا أسبوعين يصيبها احتقان شديد بالأنف ليلا فقط مع أني حريصة على تدفئتها زين .. ويخرج دم يابس من أنفها حتى – الله يعزكم – مخاطها صاير يابس ولونه أحمر داكن .. وديتها للطبيب وقالي انه مجرد احتقان وعطاني قطرة للأنف .. لكن نفس الشي ما فيه أي تحسن .. فإذا سمحتوا إذا كان عند أي واحدة منكم فكرة أو علاج لا تبخل علي لأن هالمشكلة متعبتني وايد
وجزاكم الله خير
شفاها الله لكِ أختى,, أطفالى يعانون من نفس الحالة,,
ووصف لهم طبيبهم نقط الفنستيل ,,كل حسب عمره وهو نقط خفيف ..ومريح لهم أيضا.
جزاج الله خير أختي غريبة الروح .. ويخليلج عيالج إن شاء الله.. النقط اللي وصف لي إياها الدكتور هي اوترفين للصغار تعتقدين أني لو أعطيتها نقط الفنستيل بتتحسن حالتها ؟؟
مع العلاج اجعلي رأسها وقت النوم مرتفعاً قليلاً، مثل أن تضعي كتاباً ضخماً تحت رأس فرشتها لترتفع الفرشة فيرتفع رأسها وقت النوم، هذه النومة صحية للأطفال وتساعدهم في الليل على التنفس أسهل.