كيف حالكم جميعا و كل عام و انتم بالف خير
شن بنقوللكم
اني اول مرة اندير قرقوش العيد بروحي جيت بنقليه اول حاجة فيه قلية انحرقت مني لي اني خليتها هلبة 
هادي حاجة قول فتها
لكن المشكلة ان حتى الزيت قالولي لو انحرق معاش تحطيع على القديد الكويس مشيت سخنت زيت هلبة و صبيته سخووووووون على القرقوش الكويس
اللي صار ان الزيت اللي صبيته ماباش يجمد توة ليه 3 ايم و قاعد سائل زي ما هو مع اني خليت شوية من الزيت الاول اللي قليت فيه القديد كله ما بيتش نلوحه و صبيته على العظام لقيت ان الزيت المحروق جمد و بدي دهان عادي منظره و الزيت اللي سخنته ماباش يجمد
نبي الحل بالله عليكم لي ان القرقوش هدا بنخليه لي جيابي ان شاء الله
اختي راهو القديد يبي طيبيه هلبة باش مايخمرش راهو لو مطابش باهي راهو يفسد منك لان اللي يخلي الزيت يجمد هو الشحم الذايب من اللحم لما طيبيه هلبة يدوب الشحم لاكن النار مش عاليةباش ماينحرقش المفروض خليتي الزيت الاول لان الزيت التاني مش حيجمد
من راي تحطيه في الفريز ولاتزيدي مقدار اخر بسيط باش تستعملي دهانه وانشاء الله خير
كل عام ونتى بخير يارب
جربى تخليه بالتلاجة طول الفترة
وبعدين يمكن الجو عندكم ساخن
وربى يعينك عالقديد
انا من ثانى يوم العيد مزال ما جف قاعد مزال منشور وقاهرنى
هئ هئ هئ
الله غالب
مشكورات اخواتي على الرد و الاهتمام
باهي توة و الحل لو ندوب الدهان الاول و نخلطه مع الزيت الجديد اللي ظفته ما يفسدش ؟؟؟؟
بالله نبي حل ساعدوني لي انني مققدة هللبة باش يقعد لي جيابي ان شاء الله
بارك الله فيك اختي زينب الحمد لله طمنتيني
هو مش انحرق بكل لكن بدي يابس شوية و توة نشوف شوية لية من الاي و ندوبها و نضيفهاله
بارك الله فيكم و ربي ما يحرمني منكم آآآآآآآآآآآآآمين
القرقوش لو يبس مش معناه انه محروق
ولو ما جمدش الزيت مش معناه فسد
ومش ضروري اذوبي شحمة ثاني الا لو تبي بنة الدهان هلبة في القرقوش وتبي تحتفظي بالدهان لاستعماله في حاجات ثانية
ولو خفتي منه حطيه في الثلاجة عادي
بس لو الزيت فيه بنة حرق يكون القرقوش مش حلو
ضوقي الزيت والقرقوش ولو مافيشي بنة حرق عادي خلاص كوني هانية
ومدام انقلي القرقوش كويس لدرجة انه يبس مستحيل يفسد وهو محطوط في الزيت
ربي يفتح عليك ويرزقك بالذرية الصالحة
كل سنة وانت طيبة
اسمعي كلام ززينب والو صح ونزيدك حاجة تانية لما تبي تقلي القروقوش اولا سخني الزيت هلبة ولاكن علي نار متوسط الحرارة مش عالية باش ماينحرقلكش واول ما تشوفي القرقوشة اتحمرت وبطلت اتكشيكش في القلي خلاص قيميها وهده من تجربتي الخاصة يجيك رطيب مش مقرنب وطايب لان علي نار هادية
وراهو الزيت لما مايجمدش مش معناها ما يصلحش بس يكون مش قرقوش مميز لان القرقورش المليح يكون واقف علي دهانه يجي يهببببببببببببببببببل
وباش ماتبيشي مايفسدش لالالالالالالالالالالاوم اتغطي القرقوش لفمه بالزيت باش مايقطنش
وعاذي خاطي الزيت الاول مع التاني المهم دوقيه ماتجيكش فيه بنة المرارة امتع الحرق معناها ما انحرقش
ان شاء الله استفدتي مني
تحياااااتي
وكل سنة وانتم كلكم طيبين وصحيحين
خلاص ياسلوى زي ماقالوا اوخياتك مترعشيش روحك
ومتخافيش عالقرقوش مايفسدش مدامه طاب باهي
هو صح الافضل ان الزيت يجمد لكن لو مجمدش عادي مش مشكلة
وباش تطمني اكتر حطيه في الثلاجة
وربي ينوضك بالسلامة ويرزقك الذرية الصالحة