السلام عليكم خواتى
الصراحه حبيت افيدكم ببعض الارشادات المفيده اللى اتعينكم فى حالات الطوارىء
اقصد احيانا الواحد يقرر انه يسوى طبق حلو …لكن لمن يدخل المطبخ يكتشف انه فيه شغلات
تنقصه طبعا ….اهنى اكيد بيضيق خلقج 
إى بس أنا عندى الحلول 
واشرايكم اعطيكم الحلول ؟
المكونات الناقصه + البدائــــــــل
ــــــــــ ــــــــــــــــ
1ملعققه صغيره بيكنج بودر ( البديل ) 1/4 ملعقه صغيره بيكربونات الصودا
+1/2 ملعقه صغيرة كريم الترتار
ـــــــــــــــــــــــــــــــ
1 كوب لبن خاثر ( البديل ) 1 ملعقه كبيره من الخل او عصير الليمون الطازج
ثم يضاف له الحليب لتصبح الكميه 1 كوب ..
ويترك دقا ئق ليخمر.
أو 1 روب مخفف بقليل من الماء
ـــــــــــــــــــــــــــــــــ
1 كوب كريمه حامضه ( البديل ) 1 كوب روب ساده
ـــــــــــــــــــــــــــــــــ
2 ملعقة كاكاو ( البديل ) 3 ملاعق كبيره بودرةكاكاو+1 ملعقه سمن نباتى
ـــــــــــــــــــــــــــــــــــ
1 ملعقه فانليا ( البديل ) 1 ملعقة صغيره خل ابيض
ــــــــــــــــــــــــــــــــــــــ
1 كوب سكر بنى ( البديل ) 3/4 كوب سكر عادى+ 1/4 كوب عسل اسود
ـــــــــــــــــــــــــــــــــــــــــ
1 كوب زبدة ( البديل) 1 كوب مرجرين أو سمن نباتى( كريسكو)
ــــــــــــــــــــــــــــــــــــــــــــــ
والان تمتعوا بممارسة هواية اعداد الحلويات مع توافر البدائل
وفعلا افدتينا والله يعطيك الف عافية على هالنشاط
……….يعني مثلا اذا جيت اسوي كيك وماعندي فانيليا ممكن احط بدالها خل ابيض اى يا لولو لو كنتى فى يوم تبين اتسوين كيكه وما لقيتى عندج فانليا … اهنى تقدرين اتحطين اشوية خل ابيض بالكيكه .
يزاج الله خير يا ام امهدى… وتستاهلون أكثر من جذى … والمنتدى هذا مثل بيتنا يضم اخواتنا الطيبات … ولازم كل وحده منا اتفيد الثانيه..
يعطيك الف عافيه
طيب ما في بدائل للطحين والبيض مثلا…..؟؟؟؟ انا اتغشمر واضحك معاك ..
الله يعطيك العافيه.
اختك انفال.
يـــــزاج ااـلــــــه خــــير ياأختـــى …التــاج وتســـلمين
يزاج الله خير يا أخت أنفال وتسلمين إن انشاء الله…. واالله بالنسبه لبدائل الطحين ..والله فيه ناس اتحط البقسماط الناعم بدل الطحين…بس انا عن نفسى لى الحين ما جربت هالشغله
اشرايج اتجربينها ياأنفال …بس البيض ما أعتقد انه له بديل .