شوفي يا ستي .. اذا بدك الكبدة طرية استخدمي طريقة أم بلال..
وطريقتي بس انت ما بتحبيها..
لأني بألف قطعة الكبدة بقطعة من منديل الشحم وبعد الشواء بارفع الدهنة وبتفضل الكبدة طرية وطيبة..
التتبيل تبع الكبده لازم تحطي فيه عصير ليمون وتنقعيها فيه لانه الليمون بيفكك خلايا اللحم وهيك بتستوي بسرعه
يعني حطي عصير ليمون وثوم وزيت ذره لانه بعد تجربه زيت الزيتون بينشف اللحوم شويه
وكمان اذا حطتيها في السيخ مباشره من دون لف بقصدير ممكن كل فتره تدهنيها بفرشاه عليها زيت ذره وانتي بتقلبي فيها من جهه لاخرى
بس بحبها مقليه او صواني في الفرن
احكيليك كيف طريقتي بقطع الكبده اذا بدي اقليها وبنقعها في الليمون وملح وثوم وزيت ذره وشويه زيت زيتون
وبنقعها ساعه وكل ما طولت كل ما كانت ازكا
وبعدها بزيل العصاره والثوم اللي عليها ومرات بغسلها
وبعدها في المقلى بحط زيت ذره وبحط الكبده فوقها وبقطع كم سن ثوم كمان غير الاولى لانهم اتشربوا دم من الكبده لما نقعناها
وبحط شويه ملح وهيل طيب الهيل مع الكبده واقليها او احطها في الفرن
انا بدل الليمون باستخدم الخل…
ومدة النقع من ساعة إلى ساعتين… سواء للشوي ان للفرن او القلي..
جربت الكبدة تقليها زي الستيك ..طيبة.. مع رشة الهيل .. طعم تاني مالوش شبيه.