معليش الله يعينكم علي…انا كل ماضاق صدري مالي الا الله ثم منتداي الحبيب وانتم يا اخواتي الحبيبات
انا نقلت تقريبا من شهر لمدينه جديده…وتعرفت بعد يومين على مجموعه من الاخوات…هم اربعه فقط
والباقين ماحصل لي الشرف واتعرف عليهم
وعندي جارات بس مسافرات …وفيه وحده موجوده بس لسا ماشفتها ولا حتى سمعت صوتها..لانها دكتوره ومشغوله
المهم مشكلتي…اني من يوم جيت انا اللي شابكه في البنات…وهما مايكلمون ولا يسألون…وخايفه اكون مضايقتهم او ما ناسبتهم وانا ما ادري
هم هنا عندهم اجتماع كل اسبوع في النادي…الاسبوع الاول قالو لنا الاجتماع الساعه9 ورحنا وجلسنا نص ساعه عند الباب وماحد جا(لاننا جدد ماعندنا مفتاح)..ورجعنا الفندق..والساعه 10ونص اتصلو الشباب يقولون وينكم جو لكن متأخرين
الاسبوع الثاني اتصلت على البنات قلتلهم بتروحون قالو ايه تجهزت ورحت…وما جاء ولاااا وحده
الاسبوع الثالث اتصلت برضه اسأل قالو بنروح…بس المره هذي ما استعديت…ورجعت اتصلت قالو لا بطلنا ماحد رايح بنروح بكره
قلتلهم اوكي…جاء اليوم الثاني اتصلت عليهم(ملاحظين كل مره انا اللي اتصل) فقلت رايحين اليوم قالو ايوه قلت خلاص لا تسوون اطباق انا كان عندي عزيمه يومها وعندي اطباق زايده وبنجتمع عليها قالو خلاص…واتفاقنا كان عالساعه 9ونص…قلتلهم وانتم طالعين كلموني…واستنى واستنى الساعه عشره وربع كنت جاهزه ومسخنه الاطباق ومجهزه الاولاد…(واتصلت) وينكم قالت والله احنا كنا ومجموعه من البنات طالعين طلعه وبطلنا نروح…طيب وانا اللي جالسه استناكم وانتظر مكالمتكم…قالت والله انشغلت يوم دخلت البيت ونسيت اتصل
بالله وش رايكم في هالاشكال؟
المشكله مافيه أحداعرفه غيرهم…واتصالي فقط بهذي لانها تعتبر اعقلهم واكبرهم وهي اللي تنسق الطلعات غالبا مع الباقيات…ولو قاطعتهم هم ومواعيدهم المخبصه مين اخالط؟…ولو المشكله علي ماهمني…انا بعيش من غيرهم…بس اولادي مساكين صارلهم اسبوع وجههم في وجهي…ولاشافو اطفال ولا لعبو مع احد…وعارفين الدنيا اجازه وقعدة بيت…حتى يحسبون ليوم الجمعه من اول الاسبوع عشان هالاجتماع …طول الاسبوع وهما باقي يومين باقي يوم باقي ثلاث ساعات…واخر شي مايروحون
حتى ساعات إذ جاء زوجي من الدوام اقوله يودينا للحديقه اللي جنب البنات هذولا لانهم هما جارات بس بعيدات عني شويه…واروح والاقيهم مجتمعين وشاهي وقهوه…ومايفكرون يتصلون
وش الحل في نظركم؟
انا جالسه افكر ماعاد اتصل عليهم…الا إذا اتصلو …وساعات اقول حتى إذا اتصلو ماراح ارد عليهم…
لانهم وخاصه اخر مره نكبوني بصراحه…لاني كنت راح اطلع السوق مع زوجي..ويوم قالوبنروح النادي بطلت قلت مايمديني…مع انه هذا اليوم الوحيد اللي كان يناسب زوجي للطلعه…
عارفه اني طولت عليكم بس حبيت احطكم بالصوره عشان تعرفون اني ما اتكلمت الا لما ارتفع ضغطي
افيدوني من تجاربكم؟
اختي ام عبدالله اعتقد انه من الافضل نقل الموضوع لنافذة اجتماعية وهناك الاخوات بيفيدونك اكثر
انا حاسه بيك والله بس بقول لك اني مرتت بنفس التجربه لما تركت بلدي وجيت علي امريكا بس انا ماعندي اولاد لاني مامتزوجه بس بقول لك انو لما حصل معي نفس الموقف تبعك بعتهم في النهايه لانو بصراحه المايبينا مانبيه ومصيرك حاتلقي صحاب احسن بس اصبوري والصبر مفتاح الفرج والله يوفقك ويسهل عليك ويريد تعتبرني صديقتك وانا اسمي سمر وانشاء الله حاتلقيني عند حسن ظنك. شكررررررررررا
الله يجبر بخاطرك انتي الوحيده اللي رديتي
وأهلا فيك اخت وغاليه
حبيت اراسلك على الخاص واعطيك الايميل بس جتني رساله ان الرسائل الخاصه للمشرفات فقط!!!!!!!!!
انا مثلك بالغربه وعلاقاتي محدوده ومكتفيه بزوجي وابني
صح اضوج بس احسن من وجع الراس
احنه نلتقي بالجاليه بالمناسبات فقط
والله يوفقك
وما أدراك لعل الله أراد بك خيرا بالابتعاد عن هذه النوعية من النساء.. وعسى ان يعوضك قريبا بمن ترتاحين لهم ويرتاحون لك…
وا ختي ما شاء الله عندك أولادك وزوجك فرتبي جدولك لقضاء اوقات سعيدة معهم … انا معك ان الوحدة تمل وتريد منن تتحدث معه.. نحن هنا ومستعدين لمشاركتك عبر صفحات المنتدى…
ربنا معك…
جزاكم الله خير على مشاركتكم في الموضوع
انا ماهمني نفسي ..انا المنتدى عندي يغنيني عن كل البنات…وصديقاتي في المدينه السابقه كل يوم يكلموني ماشاء الله
لكن اولادي هم اللي مساكين…يعني كانو هناك يوميا يقابلو الاطفال…وهنا مايشوفو احد لمدة اسبوع…احسه صعب عالطفل
بس هذا اللي هامني اطفالي..ولو انه كلها شهر وتبدا المدرسه…وان شاء الله ربي يعوضهم…يالله احسن لهم عشان ماتجي المدرسه الا وهم يبغونها بدل قعدة البيت ومقابلة وجهي 24 ساعه
على قولتهم الغربه كربه !
عن جد الموقف الأخير يرفع الضغط ! بس يمكن الباقين ماعندهم خبر او الأخت مابلغتهم انك محضره اكل وجايه ..
على كل الاحوال كوني احسن منهم واحسني الظن ..واتركيهم حتى يتصلوا من نفسهم ..
ودوري لا ولادك عن اي مكان ثاني ..نادي اسلامي او اي جيران عرب آخرين ..دوري وان شاء الله تلقين احد ..
المشكله في مركز اسلامي بس مافيه توصيل
والجيران زي ماقلتلكم مافيه احد الا كنديين ولسا ماتعرفت على اخلاقهم عشان اخليهم يماشوهم
لكن الله يفرجها من عنده