ازيكم يا جماعه
انا بطلب منكم تساعدونى بالنسبه لاختيار مدرسه لبنتى انا من سكان مصر الجديده وحبيت اسأل عن
مدرسه السيده خديجه الأسلاميه لغات
وزهره المدائن التجريبى لغات
ومدرسه اون هليوبوليس
ايه رأيكم فى المدارس دى وياريت اعرف ايه الفرق بين الناشونال والأنترناشونال معلش لأنى ام لبنوته لأول مره ومعنديش خبره بالتقديم بالمدارس ….
اسفه على الأطاله وشكرا ليكم
انا ممكن افيدك في موضوع الناشيونال و الانترناشيونال
النااشونال يعني منهج الوزارة في الحساب و العلوم و العربي و الدراسات و الانجليش بالاضافة طبعا الى المستوى الرفيع للانجليش (للمدارس اللغات)
مميزاته: الحساب قوي، رخيص
عيوبه: الحشو في المنهج و الاعتماد على الحفظ و ليس الفهم
الانترناشيونال منهج خارجي (خارج مصر) في الانجليش و الحساب و العلوم و منهج الوزارة في العربي و الدراسات
مميزاته: لغة ممتازة و متقنة، التعود على اسلوب الفهم و ليس الحفظ
عيوبه: غالي، الحساب فيه ضعيف
هناك بعض المدارس تعمل نظام اسمه سيمي انترناشيونال و هو نفس الانترناشيونال ولكن الحساب يكون منهج الوزارة
يا رب اكون افدتك
المجموعه وحشتني
انت زيي
اه انا برده دايخه في اختيار مدرسه لابني
وحده جنب البيت لكن مستوى تعليمها متوسط
ووحده بعيده شويه وتعليمها قوي واغلى شويه
بس محتارة جدا
كتبت بواسطة semsem76 
انا ممكن افيدك في موضوع الناشيونال و الانترناشيونال
النااشونال يعني منهج الوزارة في الحساب و العلوم و العربي و الدراسات و الانجليش بالاضافة طبعا الى المستوى الرفيع للانجليش (للمدارس اللغات)
مميزاته: الحساب قوي، رخيص
عيوبه: الحشو في المنهج و الاعتماد على الحفظ و ليس الفهم
الانترناشيونال منهج خارجي (خارج مصر) في الانجليش و الحساب و العلوم و منهج الوزارة في العربي و الدراسات
مميزاته: لغة ممتازة و متقنة، التعود على اسلوب الفهم و ليس الحفظ
عيوبه: غالي، الحساب فيه ضعيف
هناك بعض المدارس تعمل نظام اسمه سيمي انترناشيونال و هو نفس الانترناشيونال ولكن الحساب يكون منهج الوزارة
يا رب اكون افدتك
انتى افدتينى كتير اوى طبعا اشكرك كتير على التفاصيل اللى كتبتيها وربنا يسهل لحسن انا فى حيره ملهاش اخر …
كتبت بواسطة wbaby المجموعه وحشتني
انت زيي
اه انا برده دايخه في اختيار مدرسه لابني
وحده جنب البيت لكن مستوى تعليمها متوسط
ووحده بعيده شويه وتعليمها قوي واغلى شويه
بس محتارة جدا
شفتى الحيره اللى احنا فيها والله انا خلاص مخى وقف
بنتى هتتم 4 سنين الا شهر فى اول اكتوبر طبعا مدارس كتير بتقف على الشهر ده والمدارس التجريبى بتقبل خمس سنوات واكتر دا غير انها بعيد عن بيتى
والراهبات قلت اخد فكره عنها برضه
انا حاليا جنبى مدرسه الخديجه الأسلاميه لغات وهى كويسه بيشكروا فيها بتاخد من 4 سنوات اتمنى بس تقبل ولو ادخلها بيبى كلاس ادخلها بس تبقى قريبه من البيت …. وعندى مدرسه اون ,, كويسه برضه بس بيزيدوا المصاريف كل سنه 10 % موضوع تانى بقى ,,,,,,,,, ربنا يسهل
هي دلوقتي غيروا اسمها بقى اسمها مدارس النصر للغات..بس هتلاقي من بره مكتوب انجلش سكول
بس دي من أعرق وأقدم واحسن المدراس
ومدرسه ممتازه جداااااا تعليميا وملتزمين
فيها بيبي كلاس وكجي ولحد ثانوي بينين وبنات
ومن اول اولى ابتدائي فيه عندهم قسم انترناشيونال ده لو مقدرتك الماديه تسمح لانه طبعا اغلى من الناشيونال اللغات العادي
ويارب اكون افدتك
واي سؤال تحت امرك
موضوع المدارس ده لو تعرفى عامل فيا ايه ….؟؟؟ مشكله بجد وحيره فظيعة لأنك طبعا ماشيه على اساس السن وكمان مكان المدرسه وبعدها عن البيت والمقدره الماديه واى نوع مدارس هتدخلى لغات او راهبات او اسلامى او ازهرى حاجاااااات كتييير فى دماغى بتلف واراء متفاوته تجيب وتودى معاكى شويه اه وشويه لآ
لما خلالالاص تعبت نفسيا بجد ….ربنا ييسر يارب
بشكرك يا لوجى مره تانيه واسفه لاطاله عليكى بس اهه بفضفض شويه ههههههههههههه
كتبت بواسطة ورده مصريه انتى افدتينى كتير اوى طبعا اشكرك كتير على التفاصيل اللى كتبتيها وربنا يسهل لحسن انا فى حيره ملهاش اخر …
انا تحت امرك يا جميل
كتبت بواسطة logee 33 هي دلوقتي غيروا اسمها بقى اسمها مدارس النصر للغات..بس هتلاقي من بره مكتوب انجلش سكول
بس دي من أعرق وأقدم واحسن المدراس
ومدرسه ممتازه جداااااا تعليميا وملتزمين
فيها بيبي كلاس وكجي ولحد ثانوي بينين وبنات
ومن اول اولى ابتدائي فيه عندهم قسم انترناشيونال ده لو مقدرتك الماديه تسمح لانه طبعا اغلى من الناشيونال اللغات العادي
ويارب اكون افدتك
واي سؤال تحت امرك
المدرسه دى للاسف كان زمان انا من سكان مصر الجديده هليوبليس من 33سنه واصحابى كتير كانو فيها وعلى فكره زمان كانت معروفه وفعلا زى ما بتقولى هى ويوسف السباعى انجليش وسان جورج اولاد فقط لكن خلاص مستواها بقى اى كلامه ولامه مستويات اى كلام اصل انجليش سكول دى دلوقتى مش حاجه يعنى مش هاى كلاس اى حد بيدخلها واى حد حتى لو مستواه على اده بيحاول يدخل عياله احسن مدراس وكمان فى ناس كتير دلوقتى معاها فلوس ومستواهم الثقافى او البيئه اللى تربو فيها مش اد كده ونصحيه نصيحه انجليش سكول كان زمان ولامه كلها صيع وصحبتى مدرسه فيها وسابتها من الة ادب العيال