السلام عليكم ورحمة الله وبركاته
اشلونكم يا بنات .. في البداية حبيت اهنئكم بحلول الاجازة الصيفية
فحبيت استغل فرصة الاجازة لانها فرصة ما راح تتعوض الا بعد
فترة طويلة
و طبعا كالعادة راح يكون فيها وقت فراغ كبير جدا
ماراح اطول عليكم الموضوع
الصراحه انا كنت انتظر الاجازة عشان اعمل فيها اشياااء كثيرة
وودي اجعلها اجازة صيفية تدر علي كثير من الحسنات
فقلت قبل لا ابتدي بأي مشروع لازم اسوي لي خطة دينية كاملة لهذي الاجازة
واحدد فيها الاشياء اللي ابي احققها
فشرايكم يا بنات تشاركوني وكل وحدة تكتب خطتها عشان الكل يستفيد
في البداية طبعا انا راح ابدأ
بسم الله
1 ـ بالنسبة للقران ان شاء الله راح اراجع 10 اجزاء من الخلف.
2ـ احفظ ولدي عمره 6 سنين سورة الجن + نوح +المعارج +الحاقة +القلم +تبارك
عشان ان شاء الله ينتهي من جزء تبارك قبل رمضان وبعد رمضان ابتدي معاه جزء المجادلة.
3 ـ اكمل مع ولدي 4 سنين اللي يقدر عليه من جزء عم.
4ـ فكرت اني اجمع الصغار من اهلنا وابدأ معاهم بتحفيظهم بعض السور وعمل مسابقات دينية لهم.
5ـ اعلم اولادي 10 قصص من قصص الانبياء
و10 قصص من قصص الصحابة
و10 قصص من قصص الصحابيات
بحيث اني اجعل هالثلاثين شخصية من الانبياء والصحابة والصحابيات ابطال في حياتهم
كأنهم عايشين معاهم لين ما احس انهم ادرسوا وافهموا
وتعلموا من هالشخصيات بعدين راح ادخل عليهم شخصيات اخرى.
5ـ وان شاء الله راح ادرس العلم الشرعي وهالكتب راح تكون :
1 ـ شرح الاربعون النووية لابن عثيمين.
2 ـ شرح رياض الصالحين لابن عثيمين ( 4 مجلدات ).
3 ـ العقيدة الطحاوية للفوزان.
6ـ وراح اشارك ان شاء الله في الاعمال التطوعية في دار العجزة والمسنين .
7ـ راح اخصص لي يومين في الاسبوع لجمع التبرعات
وبعد انتهاء الصيف راح اخذ هالفلوس واعمل فيهم مشروع خيري ان شاء الله
وطبعا لازم يكون لابنائي دور في هالموضوع عشان ازرع فيهم حب للاعمال الخيرية .
ممممممم هالاشياء اللي افكر اسويها حاليا وطبعا اكيد انتوا عندكم افكار احلى يا غالياتي
فاتمنى انكم تشاركونا بافكاركم لتعم علينا الاستفادة
وسامحوني على الاطالة
وجزاكن الله خير الجزاء
جزاك الله خير
افكارك روعه ماشاء الله وتبارك الله
طبقيها جعلها الله بميزان حسناتك