السلام عليكم ورحمة الله وبركاته :
أخواتي حبيت أعطيكم طريقة الباذنجان المتبل بالطحينة وهذا من المقبلات وليس طبق رئيسي ولكن سامحوني لأنه بدون صور
الكمية تكفي ل 5 أشخاص تقريبا
المقادير :
1- 1 كغ ( كيلو غرام ) باذنجان
2- نصف ملعقة صغيرة من الملح
3- ليمونة ونصف
4- نصف كوب ( طحينة ) وليس طحين
5- 3 فصوص ثوم
6-ملعقة طعام من الماء
7- بقدونس مفروم
الطريقة :
يشوى الباذنجان على نار قوية أو بوضعه بصينية في الفرن بحرارة عالية
عندما يبرد يقشر ويهرس اما بمدق الثوم او بالخلاط
يدق الثوم والملح ويضاف اليهما عصير الليمون وتخلط جيدا
يضاف هذا الخليط الى الباذنجان المهروس ويحرك جيدا
تضاف الطحينة للخليط وتخلط جميع المقادير
يسكب في جاط ويزين بالبقدونس المفروم ونرش عليه قليل من الكمون
و ألف صحة وهنا وأتمنى أن تجربوها تحبوها
بس انا عندي رؤوس الفرن على الكهرباء فما بعرف كيف بدي اشويها حطيتها بالفرن بس ما ظبطت
انا عادة بحطها على عيون الغاز وبتطلع تمام بس على عيون الكهرباء مش عم تطلع تمام معي
اذا حدا عندو طريقة يا ريت يحكيلي ياها
تسلم ايديكى
أخواتي : السوسنة السوداء , الفالحة , nmermaid71 , أم رورو 4 , سارة هاني , أم ياسمين , أم أيموني , الله يسلمكن ياحلوات وان شاء الله ألف صحة وهنا , وشكرا لمروركم الحلو .
لكن بالنسبة للأخت mermaid71 ليه ما طلعت معك أنا دايما أشوي الباذنجان جوا الفرن منشان ما تطلع ريحة الشوي وكمان مابوسخ الغاز , وإذا فرنك حرارته بس من فوق قلبيهم حتى ينشوو من كل الطراف وإذا من تحت نفس الشي أما إذا من فوق وتحت ما بدهم تقليب وإن شاء الله أكون قد أفدتك .