يالله معايا اقولكم
المقادير
الحشوة:
لحمة مفرومه ناعم
بصل
ملح وفلفل
زيت
توابل حسب الرغبة ( بهارات لحمة – نعناع )
دبس الرمان
فلفل اخضر حااااااااااااااااار
الصلصة:
طماطم معصورة ومصفاة
توم
بصل
ملح وفلفل
توابل حسب الرغبة ( زعتر- نعناع – ريحان- شطة)
خل
الطريقة والصور
يالله مستنية مشاركتكم
انا عشان خاطر عيونكم حنزلكم الصور وهيه حتتكلم عن نفسها
بعد كده نقسمها من النص عشان نعرف نقورها وما تنسوش تساووا القاعدهبتاعتها عشان تثبت في الصينية
وبعد كده نقورها س بحرص عشان ما نفتحهاش من تحت ولا نقطعها من الجناب عشان الحشوة ما تقعش
استنوووووووووووووووووووووووووووووووووووا
اوعوا ترموا بقايا البطاطس اللي انتم طلعتوها
نحط البطاطس المتقورة وهردها في حلة مليانة ميه وشويه ملح ونسلق البطاطس نص سلقة ؛ بس ناخد بالنا انها ماتتهريش مننا وبرضة ماتبقاش جامده
اول ما تستوي البطاطس نصفيها في مصفاة ونسيبها تببرد
هاتوا قارب بيركس او تيفال او حتى المونيوم (اللي متوافر عندكم) وتفرشوه شوية بقسماط مطحون وفوقيه نحط هرد البطاطس الى احنا طلعناه
وبعد كده نرص البطاطس في الصينية
استنوووووووووووووووووووووووووووووووووووووووووووووو ووووني لسه حكمل
سامحونيييييييييييييييييييييييي
نعمل اللحمة المفرومة عصاج ( اسفة نسيت اصورها)
وللى ما بتعرفش تعمل العصاج
نحط شوية زيت في طاسه غويطة او حلة اللى يريحكم ومعاه بصل مفروم ( منكترش البصل عشان اللحمة ما تطلعش مسكره) ونقلب البصل في الزيت لحد لونه ما يبتدى يبقى اصفر ساعتها نضيف اللحمة المفرومة ونهدي النار خااااااااااالص ويستحسن نغطيها لحد ماتنزل ميتها وساعتها نبتدي نضيف البهارات والتوابل المفضلة ونعلي النار ونشيل الغطاء لحد ما تشرب ميتها تاني وتستوي
نعصر الطماطم وممكن واحنا بنعصرها نحط ي الخلاط قرن فلفل عشان ينزل ميته في الصلصه بعد كده نصفيها
نحط شوية زيت وندفيهم وبعد كده نضيفلهم كام فص توم مقطع صغير ونقلب ( اوعوا التوم يتحرق ) واول ما التوم يتحمر حبة نههدي النار خاااااااااااااااااااااالص ونضيف كام نقطة خل ( خدوا بالكوا ساعات بيعمل طشة جامدة اووووووووووي) بعدها نضيف الطماطم المتصفية ونسيبها تتسبك
اول ما تتسبك نضيف معلقة او اتنين من الصلصه الجاهزة ونقلب كويس
وطبعا ما تنسوش الملح والفلفل والبهاااااااااااااااااااااارات وخصوصا الزعتر والنعناع
فيه ناس بتحط بصل بدل التوم او بتحط الاتنين بس انا بحب الصلصه بالتوم
