الجديد في موضوعي اهلي كلموه وقال . دعــــــــواتكم اخواتي 2024.

اللهم انك عفو تحب العفو فاعف عنا اللهم واعتق رقابنا ووالدينا والمسلمين امين يارب العالمين

اخواتي هذا رابط موضوعي قبل
اخواتي ماالحل فالوضوع يزداد سوء وحالي يرثي لها <دعواتكم ومشورتكم
وماحصل مؤخرآ اتصلت به بعد كل هاالفتره يعني من قبل رمضان تاركني ولاحس ولاخبر اتصلت بعزمه عاالفطور وبسلم عليه المهم كلمت عاالمكتب ومارد وكلمت رد شخص اول مره ادق ويرد علي شخص غيره المهم قال من خمس دقايق طلع دقيت عليه من رقم غير جوالي ورد سلمت كيفك وكيف امورك قال بتنقل الشركه للمدينه وانا هناك قلت لاتكذب قبل شوي دقيت وقال انه طلعت من خمس دقايق قال لا انا هناك ومن قالك قلت مدري ووو المهم جاء طاري موضوع غيابه قلت وينك ليه لا رساله ولااتصال قال ظروفي وزوجتي قلت طيب انا وش ذنبي تهجرني مو مسؤليتي اللي يصير قال صحيح قلت وشلون تقولي برساله انك مقصر معي وظلمتني ولازلت بنفس الغلط قال صحيح قلت ليه تعاملني كذا وليه تحملني شي مالي ذنب فيه قال ماقصرتي وووو المهم قلت انا تزوجت اسعد مو اشقي ووو ارسلي اقل شي رساله خبرني عنك وضعك والله بقدر وماتاخذ من وقتك ثواني قال صحيح المهم قال شوي ادق قلت لا خلاص هذي خلصت منها كل مره تقول ولاتدق قال خلاص بعد العيد بتفاهم مع اخوك وخالك قلت انا صاحبة الشان تفاهم معي انا قال لا بتفاهم معاهم قلت علي ايش قال ان شاء الله بعد العيد شوي الا تفاجآت سكر السماعه لهاالدرجه طيب وقولي وش فيه وش عندك وش تفكر فيه المهم ماقدرت والله انتظر ماعاد فيني اصبر وماعاد فيني اعصاب تتحمل كلمت خالي وخبرته وقلت اتصل فيه وشوف وش عنده والله تعبت المهم كلمه ولارد ومن بكرا كلمه الصبح مارد وكلمه الظهر قاله وش اللي قاعد يصير تري خلاص الموضوع زاد عن حده والبنت والله مثل بنته ماارضي عليها اللي قاعد يصير انت قاعد تعذبها ياخي مافيه شي باالغصب امساك بمعروف او تسريح بإحسان صحيح الطلاق ابغض الحلال عند الله لكن اذا استحالت الحياة فهو شرع الله قال صحيح والله ماالومك مقصر كثير لكن ظروفي والبيت عندي قلبت زوجتي حياتي واولادي ووو قاله خالي شي انت مو قده لبيش تقدم عليه وتعذب بنات الناس ياخي والله حرام وظلم يعني انت الحين تبيها تجي منها تتبع معها اسلوب تطفيش وعشان هي تطلب الطلاق تري بكل الحالات انت ظالمها ويمكن اللي صارلك وقاعد يصير لك حوبتها او لانها تتحسب الله عليك مااصابكم من سيئه فبما كسبت ايديكم ووو والحين انا مكلمك مستعد اسمع منك اي شي قول وش عندك قال والله مدري اتركها ولا لا قاله خالي راسينا علي بر قال خلاص استخير واخبرك والحين انا جالسه علي اعصابي انتظر
والله اخواتي اني مابي الطلاق وصابره ومتحمله منه كل شي حتي الفتره الاخيره ماعاد صار ملتزم بمصروفي حتي الحين برمضان وقبالة عيد ماشفت منه شي وكثير تغير معي واسلوبه الله يكتب اللي فبه خير يارب ويرضيني بما قدره علي يارب العالمين