انشاء الله باجر زوجي راجع من الشغل من منطقه بعيده وودي اكون غير ? حد يفيدني لو تكرمتو
شوفي .. انتي تقولين انه راجع باجر .. انزين … يعني عندج اقل من يوم .. انا اقترح تسوين جدول لباجر وتقسمين الاشياء اللي بتسوينها … يعني اذا رايحه الصالون حددي متى وكم ساعة وشو بتسوين عندهم .. شعرج-مانيكور-بديكور-تنظيف بشرة-حف ….إلخ .. حددي بالساعات .. أوكي ..
انصحج بعد تتحنين .. الازواج عادة يحبون الحناء على حريمهم … بس انتي ادرى بزوجج ..
ممكن بعد ما ترجعين من الصالون يكون وقت الحمام والصنفرة …
الولد حاولي تلبسينه شي جديد … وانتي بعد ..
أما المكياج أنا اقترح يكون هاااااااادي وناااااااعم .. إذا بشرتج بيضاء وتحسين انه الوردي او البنفسجي الناعم يناسبج استخدميهم …
وبالتوفيق ان شاء الله .. ويا رب يزيد من محبة زوجج لج ولعيالكم …
اذا كان زوجك راجع بكرة فانا اعتقد ان ديكور المنزل ماراح تقدرين تغيرين فيه شي كثير
انا انصحك انك تغيرين بعض تحف البيت وتغيرين كمان مكان بعض الاشياء على حسب ما يناسبها يعني باختصار تبدلين مكان شي بشي ثاني ولا بد يكون فيه تناسق في البيت وتشترين زينه جديدة وتشيلين الشي الي صار بالنسبه لك قديم لانه مافيه وقت
اما بالنسبه لمكياجك حاولي انه يكون نفس لون لبسك والشعر اقترح انها تكون تسريحه مرفوعه
لانها تبين الشكل احلى وافضل انك تلبسين بنطلون حتى تلفتين نظر زوجك الك ويعطي منظر
للجسم
اما طفلك لبسيه لبس حلو وانيق وجديد لان الاطفال تتغير ملابسهم بسرعه
ارجو اني افدتك
باااااااااااااااااااااااااي
مع السلاااااااااااااامة
اختك LAIAN
صراحه لا يوجد لديه زياده
الله يوفقك
تسلمممممممممممممممممممين
بصراحه افكار جميله بس عن قص الشعر من فتره اقل من اسبوعين قاصتنه وعيبه وايد عشان جيه اتحمست وايد اغير ها المره بعد ……… وانشاء الله بسوي اللي قلتيلي عنه ما قصرتي وانشاء الله الله يوفقج في حياتج ويجعلها سعاده دايمه
الغاليه Laian
صح والله مافي وقت اني اغير الديكور بس الحين اول ما اطلع من على النت راااااااااااااااااح اركض واغير بعض الاشياء من مكانها الله يستر وانشاء الله اكون عند حسن ظنه اما عن الشعر صح كلامج ها المره مرفوع لاني المره الماضيه كنت فالتنه المهم ما قصرتي غاليتي
بنت بلدها
عزيزتي يكفي دعائك الله يوفقك انشاء الله ويسعدج مشكوووووووووووووره
وااااااااااااااااو والله شوقتوني مع السلامه
ما عندي غير الدعاء.. انشاء الله تتغيرين 180 درجه..
يعني افضل اللبس المغري ليلا بس في النهار احب البنطلونات والشورت اريح لان اللبس المغري يبا جو رومانسي بس في النهااااااااار وهذا جونا مافي رومانسيه المهم شكرا على دعائج
ربي يوفقج بولد الحلال واشوفج محتاسه مب عارفه شو تلبسين ههههههههههه
اختي إما راتية لاتنسي تسوين حفلة لزوجك بسيطة على قدكم وتغيرين اصنا ف الحلو والمالح والعصيرات والاطباق الرئيسية "إلي تعودتم عليها " وتلبسين شي جديد وتحاولين تغيير بعض اثاث البيت ولاتنسي تبخرينة وإنشاء اللة بالولد الصالح ومع السلامة