معلش الموضوع يعتبر مكرر لاني مجهزاه من فترة وكنت ناوية انزله النهاردة فوجئت بأختي شهد الملكة منزلاه جزاها الله خير وتسلم ايديها
عمرها اطول من عمري
لكن بصراحة قلت زيادة الخير خيرين
وكمان مستخسرة تعبي
نبدأ بصورالطبق لنفتح نفسكم
ثم المقادر
اولا العجينة
طريقة الخبز الصعيدي الظلي
وان شاء الله انزله في موضوع مستقل
قريبا
وهو عبارة عن دقيق وماء دافئ وخميرة وملح ويعجن جيدا عجينا طرية ويترك ليخمر ثم يقطع كور ويترك ليرتاح
نكون عملنا حشوة الحوواوشي
وهي عبارة عن
لحمة مفرومةبها كمية دهن او قطع اللية
يعني ملبسة وفي نفس حجم اللحمة بصل مفروم
يعني لو كوب لحمة يكون كوب بصل
فلفل اخضر مقطع صغير ممكن واحدة كبيرة او ممكن بدونه
حبة طماطم كبيرة جامدة مقطعة مكعبات
ملح فلفل شطة حمراء مطحونة
نوع من البهار يسمي كبابة ضيني فعلا يعطيها طعم رائع ومميز
ولو لم يتوفر مش مشكلة
تحشي كور العجين باللحشوة
وترص في صواني مدهونة وتترك لتخمر
وتزج في فرن درجة حرارت عالي للخبز
وللامانة اعتقد ان عجينة العشر دقائق كماذكرت شهد اسهل
واليكم الصور لتبين لكم الخطوات بدون تعليق
صورة الحشوة
كور العجين
وضع الحشوة داخل العجينة ولمها حولها بحيث تكون شكل الكور وحتي لا تلتصق في اليد ترش بالدقيق
[
ثم تترك لخمر وتزج في فرن حار
وهذا طبق لاول واحدة ترد
علي فكرة نفس الحشوة ممكن نضعها في خبز بلدي مصري عادي او لبناني ويدهن بالزيت ويلف في ورق زبدة الي بنبطن به الصواني
ويزج في الفرن ختي تصبح الورقة بنية اللون او حتي تستوي اللحمة بالداخل
طبعا تفرق عن العرايس
بأن اللحمة تكون غير مطهية وتطهي مع الخبز
اتمني تعجبكم
ودمتم بكل خير
ما شاء الله
تسلم ايدك بجد بجد يا سالى ربنا يديكى العافية والصحة يارب
الف شكر
عموما تسلم ايدك ياقمر
هى شهد الملكه وانتى ملكة الشهد
يابخت من ينال الرضا ويكون سعيد الحظ وياكل منها
ربنا يحميكى وينور بيكى المنتدى
مبين عليها طيبة كتير
تسلم ايديكي يا سالي الراجل اللي ان شاء الله هيتجوزك والدته دعت له بالخير
انتي وشهد الملكة عرفتوني طريقة جديدة للحواوشي
انا علي طول بعمله بالعيش البلدي الجاهز عادي
بس برضة انا افضله باحسه زي الجاهز
دا غير تعب العجين العيش الجاهز بيتحشي ويتعمل في 10 دقائق
كسل بقي ههههههههههههههههههههههههههه
.gif)
عموما تسلم ايدك ياقمر
في انتظار اطباقك الحلوة يا قمر