ارحب بأخواتي العزيزات للمره الثانيه في مطبخي
ما اطول عليكم أكلة اليوم أكله طيبه كثير ونكهتها جناااااااااان
انتبهو لأصابعكم لاتاكلوها
طبقي هو دجاج محشي على طريقة أمي الله يحفظها
المقادير:
دجاجه وزن 1000 جم – 1200جم .
الدجاج الكبير أحسن في الحشي من الدجاج الصغير عشان ما ينشف ويظل طري
بهارات مشكلة – ملح – قرفة مطحونة – جوزة الطيب مطحونة ناعمه – زيت طبخ
للحشوة: رز مصري – لوز مقشر ومقطع
ونحتاج أكياس خاصة بالفرن للشوي
الطريقة بالتفصيل :
نغسل الدجاج ونتركه يتصفى
وهذي دجاجتي وهي مشخصة قدام الكاميرا
والآن مع الخلطة السحرية للتتبيل الدجاج
نخلط مقدار ملعقة طعام كبيره من كل من:
الملح – البهارات المشكلة – القرفة – جوزة الطيب
وكاسة صغيرة (بيالة شاي) من زيت الطبخ
تخلط كلها مع بعض وتحرك جيداً
ندهن الدجاجه بهذي الخلطة من الداخل والخارج جيداً زي ماهو مبين في الصورة
نجهز حشوة الدجاج على السريع
طبعا ما يحتاج نفصل في الرز لأن الأخوات أكبر من كذا ونكتفي بالحاجات الأساسية
نحط زيت طبخ في قدر ونضيف اللوز ونحركه حتى يصير لونه أشقر
ونضيف عليه الرز اللي نكون نقعناه قبل كذا
ونحط عليه ملح وبهارات والقرفة المطحونة
ونحركة ونصب عليه الموية المغلية ونتركة على النار حتى ينضج
وهذا شكل الرز وهو جاهز
وبعد كذا نبدأ بحشي الدجاجه كما في الصورة
ونقلب الدجاجه ونحشيها من مكان الرقبة
يا حرام شكلها تحزن
وكذا بعد ما خلصنا حشي الدجاجه
ثم نجهز كيس الشوي نضع فيه شوية زيت ونحط الدجاجة فيه
ونترك شوية هواء في الكيس ونربطه
ونحطها في الصينية وندخلها الفرن
وطبعا نكون أشعلنا الفرن من الأسفل فقط قبل ماندخل الصينية
على درجة حرارة متوسطة ونترك الدجاج بالفرن من ساعة إلى ساعة ونصف
وبعدين نحمر الدجاج من فوق
ونطلع الصينية ونفتح الكيس داخل صحن التقديم
وحاسبي على الدجاجه لأنها حساسة مرة تزعل وتبطل بعدين ….ههههههه
كيف شكلها بس
ولسه طعمها خطييييييييييييير مررررررررررررررره
وبكذا يبقى علينا إنا نشمر ونقول بسم الله
وصحتين وعافية
وبانتظار ردودكم
الله يعطيك الف عافية يارب
يمممممممممممم
تسلم ايدك
تسلم الايادي
الله يحفظلكم الوالده
الله يحفظلكم الوالده
وتسلمي على الشرح المفصل والصور الحلوة
تسلم ايديكي يا قمر الدجاج شكله شهي جدا ما شاء الله
شكلها كثير بشهي إنشاء الله بنجربها في أقرب وقت