السلام عليكم ورحمة الله وبركاته
لو سمحتم اخواتى ممكن حد يقولى طريقه الرقاق المصرى بيتعمل
ازاى ومكوناته ارجوكم افيدونى العيد قرب خلاص
حبيبتى طريقته سهله جدا جدا بدايه تجيبى صينيه وتدهنى القاع بسمنه وبعدين تقسمى كميه الرقاق قسمين تجيبى الرقاق ورقه ورقه تشربيها بالمرق وتشيليها بسرعه لانها بتبوش علطول ورصيها فى الصينيه حتى ينتهى القسم الاول وبعدين ضعى لحم مفروم معصج من قبل بالبصل والبهارات وبعدين كررى العمليه السابقه حتى تنتهى كميه الرقاق وضيفى ملعقه سمنه على وجه الصينيه وبعدين ضعى الصينيه على عين البوتاجاز فى ناس بتضعها فى الفرن انا بضعها على البوتاجاز من فوق لمده خمس دقايق لو النار شديده وبعدين اقلبى الطبقات على صينيه اوسع او غطاء حله او اى شىء وبعدين رجعيه للصينيه تانى بحيث يكون الجزء اللى اتحمر هوه اللى على الوجه واتركيه خمس دقايق اخرى وبعدين قطعيه وقدميه لو حتضعيه فى فرن البوتاجاز شغلى الفرن عشر دقايق من تحت وحوالى تلت او اربع دقايق من فوق عشان تحمرى الوجه وباالف هنا وكل عيد وانتى طيبه
شكرا جدااااااااااااااااا على مسعدتكم
ادخلى على ملف الاكل المصرى هتلاقيه
مشكوره جدا حبيبتي