اخواتي الفاضلات
انا عارفه ان اللي بقوله موضوع مكرر
السواد في الابط والركب والاكواع
جربت جمييييييييييييييييييع الطرق ولا شي جاب فايده عندي
في الابط ولا في الاكواع والركب
بصراحه نفسيتي تعبت خصوصا ان موعد زواجي يقرب ولا الاحظ اي تحسن
اللي تعرف اي وصفه او كريم او مقشر حتى
تدلني
والله بدعيلها الله يفرج كربتها مثل ما فرجت كربتي
اولا مبروك وربي يسعدك ويوفقك ويقر عينك بالزوج الصالح ويرزقك الذرية الصالحه
اللهم آمين
اختي في الله بما انج على وجه زواج واتمنى الفتره تكون شوي بعيده تقريبا 2 الى 3 شهور
لان عندي لج وصفة حلوه وخاصة حق العروس
خذي كمية من الكركم "انتبهي انا اقصد الكركم الموجود عند العطارين وليس كركم الاكل"
واخلطيه مع ماء الورد + طحين النخي " المقصود به طحين الحمص "
واخلطيهم جميعا وحطينهم على جسمك يوميا لين تجف تماما على جسمك يعني
عادي حطيه وتحركي في البيت عادي
ملاحظه البسي ملابس الوانها غامقه لانها تتسخ بسبت الكركم
وبعد اسبوع راح تلاحطين لونك افتح
وقت الاستحمام انصحك بصابون نتروجينا وقيمته 18 درهم اماراتي
وقبل اسبوع من زواجك اعملي حمام مغربي عشان التنظيف النهائي لجسمك
وصدقيني بتشوفين النتايج بنفسك روووعه
وبالتوفيق
اختك في الله
السلام عليكم ورحمة الله وبركاته
هلا اختي .. ممكن تستخدمي الكريم اللى قلت عنه في موضوعي ..
(( اسرعوا يابنات : علاج سريع لاسوداد منطقة مابين الفخذين ))
يمكن يفيدك .. لاني انا كمان مقبلة على الزواج وكانت عندي مناطق اسوداد في كل جسمي ولما استخدمت الكريم هادا في كل جسمي راح السواد خلال اسبوع واحد بسسسسسسسس .
ادخلي على الموضوع واقريه من اوله لاخره يمكن يفيدك متل ماافادني انا والكثييير من البنات .
وربنا يسهلك زواجك ان شاء الله والف مبروك ويرزقك بالزوج الصالح باذن الله.
ثانيا
انا ما عندي خلطة
انا بنبهج لشغله مهمة
وهي اثناء الجلوس لا تجلسي على ركبتيك في الارض بكثرة لانه يسبب اسوداد الركب واذا كنتي جالسة على الطاولة لا تضعي اكواعك على الطاولة لانها تؤدي الى نفس المشكله
اذا كنتي تسوين هذه الاشياء حاولي قدر الامكان تجنبها بتفيدك كثير
لاني كنت اعاني من اسوداد الركب والسبب كان في اني لمن اجي اتمكيج اجلس على الارض وطبعا على الركب لين ما اسودت بس الحين الحمد لله رجعت للونها الطبيعي لاني بديت اجلس على التسريحه
الله يبارك فيكم ويسعدكم ويوفقكم يارب
القطة الصغيرة
الله يبارك فيك ياعمري ويوفقك انتي بعد
انا قريت موضوعك قبل اكتب موضوعي وكنت احسبه ينفع بس لما بين الفخذين والابط
بسسسس الركب والاكواع مدري اذا ينفع لها ولا لا ؟
قمــــــــــره
ااااااااااااااااااااالله يبارك فيك والله يخليك ويسعدك
بسسس ودي اسالك من وين اجيب طحين الحمص وايش الفرق بين الكركم حق العطارين وكركم الاكل
وكيف استخدمه مطحون ولا ايش؟
جزاكم الله الف خير وبارك لكم في عافيتكم وفي رزقكم
طحين الحمص "النخي "هو في الاصل حمص مطحون مثل البودره وعشان يسمونه طحين الحمص
طحين الحمص رااح تلاقينه في الجمعيات وين قسم الطحين والبهارات والعدس وجوز الهند
هنالك بتلاقين هالطحين لونه مايل للاصفر ومكتوب عليه اصلا طحين الحمص
والفرق بين الكركم العادي حق الاكل ان فيه شويه فلفل احمر وشوي بهارات مخلوطه مع الكركم
وهو حار نوعا ما ويمكن يسبب لج حساسيه
اما الكركم الي عند العطارين فلونه اصفر فقط وحتى انه ما يحرق الجسم فهو بارد على الجسم
انتبهي لون اصفر وما فيه اي لون ثاني مخلوط معه
استخدمي الكركم المطحون
شوفي يالغاليه خذي كمية معقوله من الكركم وكمية معقوله من طحين الحمص
وصبي فوقهم ماء ورد بارد
واخلطيهم زين
وبعدين حطي الخلطه على جسمك
وبعدين عادي تحركي في البيت وانتي حاطه الخلطه لانها تجف بعد نصف ساعه تقريبا
بس انتي اتركي الخلطه عليك اكثر
واستخدمي من الخلطه نفسها يوميا لانها ما تخترب حطيها في الثلاجه
ولما تبين تستخدمينها مره ثانيه بس زيدي عليها ماء ورد شوي
وحطيها عليك
وصدقيني رووعه واذا عندك اي سؤال انا حاضرة باذن الله
وبالتوفيق يالغاليه
اختك في الله
مشكورة اختي دلع ماله سنع .. بس انا كمان كان عندي سواد في ركبتي وكوعي لنفس الاسباب اللى قالت عليها اختي نعنوعة .. بس لما استخدمت الكريم فادني كتييير وراح السواد من اول استخدام . ان شاء الله يفيدك والف مبروك لك
اختي رياح الخليج .. الكريم اللى احكي عنه اسمه كينا كومب وهو موجود في كل الصيدليات .. وياريت تدوري على الموضوع نفسه وتقريه من اوله لاخره بالردود لانه هتلاقي في الردود صورة له والبنات بيعرفوكي على الاماكن اللى وجدوه فيها .
تحياتي لكم
ترا كينا كومب له اثار جانبية كثيرة وممكن لمن توقفينه يزيد السواد
لانه فيه كورتيزون واطباء الجلد ما ينصحون فيه
اكتفي بالترطيب العادي اي لوشن يعني وحتى الليمون زين