بسم الله الرحمن الرحيم
السلام عليكم ورحمة الله تعالى وبركاته
هالمرة الأكلة غير شكل
يعني أكلة معتبرة تمام
أكلة صحيح شغلها شوي كتير
بس ولا ألذ من هيك وبالأخص بأيام الصيف والشوب والحرارة المرتفعة
أكلة ممكن تكون إضافة لنا إذا كان عنا عزيمة تعملها ست البيت قبل بيوم أو يومين
وتزيد فيها تشكيلة الأطباق المقدمة اللي بتطبخها بنفس يوم العزيمة
أنا بصراحة كنت أعملها لما يكون عندي عزيمة قبل بيومين
ولما يجوا ضيوفي كانوا أول ما يأكلوها يقولوا لي أول شيء ايمتى لحقتي تساويها اليوم
وثاني شيء يطلبون المزيد منها والمزيد لأنه بصراحة لا يشبع منها أبداً
بسم الله نبدأ
في البداية نعمل
الحشوة
بصل مفروم ناعم مع لحمة ناعمة نضعهم على النار
ونضع معهم زيت نباتي
وطبعاً لا ننسى الإضافات
ملح – بهارات مشكلة – فلفل مطحون – وأنا أضفت وهو اختياري لستات البيوت فليفلة يابسة مطحونة
نضع الجميع بطنجرة على النار ونغطيها حتى الاستواء مع التقليب المستمر
أنا بحطهم على النار الخفيفة وبعمل خلالها العجينة
العجينة
الكمية اختيارية
أنا بعمل مثلاً كاسة ماء مع نصف ملعقة ملح
وبضيف لها الطحين حتى تصبح عجينة لا تلتصق باليد
أترك العجينة حتى ترتاح مدة نصف ساعة ثم أبدأ العمل بها
هون لازم طبعاً تكون الحشوة قد جهزت واستوت وصارت بهالشكل هيدا وإذا كان فيه سوائل
بالحشوة حاولي تصفيها بالمصفاة وهيدا شيء ضروري حتى لا تبلل العجينة أثناء حشوها
بسوائل الحشوة
حتقولوا لحالكم شو هيدا المصور مع الحشوة التي استوت
وحأقول لكم هيدي أداة تقطيع العجينة لما نفردها
حتقولوا من وين نحصل عليه سأقول لكم من محلات الأدوات المنزلية
ولو ما وجدتموه بإمكانكم تقطيع العجينة بكل بساطة بفنجان القهوة المرة
أو بكأس بيالة الشاي يعني أي شيء بالمطبخ يفيدك في تقطيع العجينة لدوائر
يمكن يعمل نفس العمل ومالها مشكلة
نبدأ بفرد العجينة بالشوبك أو المرقاق
وبعدها نبدأ بعمل دوائر بالعجينة مثل الصورة التالية:
وهون يمكن تحتاجوا لرش الطحين حتى لا يلتصق بالسطح الذي يتم فرد العجينة عليه
وحتى لا تلتصق العجينة كمان بالشوبك
نفرد القليل من الحشوة على دائرة العجينة
ثم نطويها مع الضغط على الأطراف حتى نغلقها
ثم نثني قطعة الشيشبرك للوراء
ونضع أحد الطرفين فوق الطرف الآخر ونضغط باصبعنا على الطرفين حتى يلتصقوا ببعضهم
نبدأ بصف دوائر الشيشبرك المحشية على صينية فرن تيفال أو أية صينية فرن لا يلتصق بها الطعام
نشوي الصينية بالفرن من تحت أولاً ونعرف كيف استوت من تحت
لما نهز الصينية تتحرك دوائر الشيشبرك المحشية من مكانها بسهولة
ثم نشويها من فوق قليلاً حتى تحمر قليلاً
ثم نخرجها من الفرن حتى تبرد
بالصورة قلبت لكم كم قطعة لحتى تشوفوا كيف استوت من فوق ومن تحت
وفيه ناس ما يخبزوا دوائر الشيشبرك ويطبخونها من دون شوي
بس بالشوي أطيب وألذ ويكفي أنها لا تلصق ببعضها البعض عند طبخها
بالإضافة إلى أن العجين يستوي بالشوي بالفرن
اللبن
في طنجرة كبيرة ندق قليلاً من الثوم
أنا بحب الثوم كثيراً بهالأكلة مشان هيك بحط كمية منيحة
يعني الثوم هون كميته اختيارية
وأضع زيت نباتي وطبعاً ملعقة أو ملعقتي طعام كبيرة من الكزبرة اليابسة
ويمكن الحصول عليها من محلات السوبر ماركت في قسم البهارات
وهي عبارة عن حبوب دائرية مكتوب عليها كزبرة يابسة يتم طحنها ثم استخدامها
نقلي الثوم قليلاً بدون أن نجعله يقرمش يعني بس لحتى يتحول لونه لذهبي نوعاً ما
كما في الصورة
نطفئ النار تحته ثم نتركه قليلاً حتى نحضر اللبن
نضع كمية من اللبن مثلاً كاستين مقابل ملعقتي طعام كبيرة من النشاء
في خلاط كهربائي ونضع معه ملعقة طعام صغيرة ملح
نخلط الجميع جيداً
نصب اللبن المخلوط فوق الثوم والكزبرة بالطنجرة
ونشغل النار تحتهم ونبدأ بالتحريك المستمر
لا تتركي اللبن لوحده بدون تحريك حتى لا يلتصق ويتكتل
نحرك باستمرار حتى نلاحظ بأن اللبن قد أصبح سميكاً نوعاً ما
هنا نضع حبات الشيشبرك باللبن ونحرك مرة أخرى باستمرار
نعرف استواء حبات الشيشبرك عندما نخرج واحدة منها ونقسمها بصحن
فتنقسم بكل سهولة وطبعاً بالتذوق نعرف أنها استوت أم لا
إذا كنت تطبخين هذه الأكلة لنفس اليوم فبإمكانك تسخينها عند التقديم
وإذا كنت تطبخينها ليوم آخر فبإمكانك الاحتفاظ بها كما هي بالبراد بدون سكبها في أوعية
وحين التقديم يتم تسخينها وتقديمها بصحن التقديم أو سكبها ضمن زبادي
وتقديم زبدية لكل شخص
يعني بيكون هيك استغنيت عن سكبها بوعاء كبير يتم السكب منه لاحقاً
أنا بحب سكبها بزبادي صغيرة لكل شخص لما يكون عندي ضيوف
وفيه ضيوف بيحبوها وهي باردة
وصحة وعافية
وهيدي صورة مقربة لتشوفوا حبات الشيشبرك اللذيذة
ماشاء الله تبارك الله ……. الله يعطيك العافية ويبارك فيك
حبيت اسالك مافي طريقة لشي قطع الشيشبرك غير الفرن يعني مثلا الصاج ماينفع لانه الفرن عندي خربان .
الله يجزاك الجنة.
كتبت بواسطة الاصــيل 
وعليكم السلام ورحمة الله وبركاته
ماشاء الله تبارك الله ……. الله يعطيك العافية ويبارك فيك
حبيت اسالك مافي طريقة لشي قطع الشيشبرك غير الفرن يعني مثلا الصاج ماينفع لانه الفرن عندي خربان .
الله يجزاك الجنة.
الله يعافيك يا رب ويجزاك الخير
عزيزتي نعم يمكنك شي الشيشبرك بالصاج
بس طبعاً بدك تكوني بجانبهم وتقلبيهم كل شوي لحتى ما يعلقوا بالصاج
أو فيه طريقة ثانية كنت أعملها لحتى جابوا لنا الغاز على الشقة
فمحسوبتك ظللت أطبخ لمدة شهر ونصف على شواية الكهرباء لحتى حنت بلدية الشارقة
ووصلت لنا الغازعلى الشقة
وهي تضعي القليل من الزيت النباتي في طنجرة
ثم توزعي قطع الشيشبرك فوقها وعلى نار هادئة تشويهم ثم تقلبيهم
وهيك بيكونوا تعرضوا للحرارة وانشووا شوي قبل طبخهم باللبن
بس طبعاً الطريقة المثالية هي الشي بالفرن
واضح انها تجنن وطعمها حلو ان شاء الله اجربها
شكرا ليكى حبيبتى
حرام عليم شهيتيني من الصبح يسلموا هالايدين يارب
عن جد بتشهي
يسلمو هل الايدين
رائعه وشرحك وصورك تجنن
بارك الله فيكى يا امر
يسلمو الايادي
وصفة كتير زاكية
الف صحةوعافية
وصفة كتير زاكية
الف صحةوعافية