القشد .. هذا طبق من أطباقنا الشعبية الشتوية المفضلة
بتقولون تونا على الشتاء .. بس حنا بدأ شتانا !!
ميزة هالطبق .. لذيذ وسهل جداً .. وينفع للي في النفاس
حتى الصور ماراح تفيدكم كثير ..
بس قلت أضيفها عشان تتشجعون تدخلون الموضوع وتعملون الطبق 
بصراحة مقاديري بالنظر ..
لكن أبحط لكم مقاديري اللي سويتها هنا
وهي تكفي لشخصين تقريباً
المهم يالحبيبات ماأطول عليكم
المقادير:
¾ أصبع زبدة إلى أصبع
كاس ونص طحين بر
كاس أو أقل (حسب الرغبة) تمر كنيز بدون القمع والنوى ..
يعني شيلي النواة والقمع منه
أنا أحط تمر خلاص
نقطة مهمة: لا تحطين تمر معبوط أو اللي يسمونه معجون التمر
½ علبة زبادي
فيه ناس يحطون لبن .. لكن عندي الزبادي ألذ
الطريقة:
نذوب الزبدة
ثم نضيف الدقيق ونحرك بالملعقة الخشب باستمرار
الين تطلع ريحة الدقيق .. موب ريحة حرق .. بس ريحة تحميص
بعدين نضيف التمر
ونحركه بسرعه ونخلطه مع بعض .. والتحريك يكون كأنك (تدقين)
يعني شفتي لما تدقين شيء في النجر (الهاون = الجرن)
كذا تسوين تدقين التمر عشان يتجانس وبعدين تقلبينه شوي وبعدين تدقين وتقلبينه
إلين تحسين ان التمر تجانس مع الدقيق ..
والأفضل تكون بعض قطع التمر باينة يعني مايصير معجون تماماً
(هنا مابانت قطع التمر .. التصوير كان بالجوال إضافة إلى أن التمر اللي عندي كان لين فتجانس أغلبه مع الدقيق)
بعدين أضيفي الزبادي وقلبيه بسررررعة قلبتين بس ..
وارفعيه من على النار .. وقلبيه شوي
هذي الخطوة ماصورتها .. أقول لكم بسرررعة 
وبعدين حطيه في الحافظة
يقدم مع القهوة
أو الحليب السااااااخن المخلوط بالسكر و الزنجبيل والهيل والفلفل << هذي شهوتي 
وبالعافية
وأي سؤال أنا حاضرة ان شاء الله
مشكوره
احنا عندنا برد موووت
لكن حسافة ماعندي تمر
الله يسلمك ..
والله طعمه لذيذ ويعتبر طبق مفيد جداً
ياليت تجربينه
الامل الجميل
الله يسلمك أختي
العفو
مجد7
أنت بعد مغتربة!؟
يالله متى ماصار عندك تمر جربيه
سهل جداً مايبي له تعب وماياخذ وقت
أنا قبل أسبوع سويتها و أختي يوم كانت نفاس دايم أسويها
تسلم يد ختي المليحة 
شكلك نجديه 
ان شاء الله اسويها
تسلم ايدينك وزجاكي الله خير
مشكوووووورة أختي عالرد وعلى تشجيع البنات
وأنا مثلك أمووووت في القشد .. وماأشبع منه
أساساً أنا أحب الأكلات الشعبية
ايه حبيبتي نجدية أباً عن جد .. وأماً عن جدة 
هههههههه
يالحبيبة أنا من منطقة سدير .. قريبة جداً من الرياض
لكن ولدت وعشت ونشأت وترعرعت في الرياض الحبيبة ..
الله يردنا لها سالمين غانمين وأهلنا في أتم الصحة والعافية والمسلمين
وأنت بعد نجدية؟
زهرة دوار الشمس
الله يسلمك ويجزاك خير أختي
وأنت الأحلى بردك
أنتظر تجربتك 
هذي نحن نسويها بالشتاء ونسميها في الإمارات الممروسة
تجننننننننننننننن
أنا مثلك نجديه و نجديه ونجديه
يا الله عشاتك مثلي إنشاء الله إذا جيت الرياض
أجي أتقهوه وأكل قشده عندك عشااااان أقيمك
القشده مظبوطه وإلا لا ؟؟؟؟
ههههههههههههههههههههههههههههههههههه
((الله يردنا لها سالمين غانمين وأهلنا في أتم الصحة والعافية والمسلمين))
اللهم آمين اللهم آمين اللهم آمين اللهم آمين اللهم آمين اللهم آمين اللهم آمين
مشكووووووووووووووووووووووووووووووورررررررررررررررر ررررررررره