الفتة المصرية بالخل والتوم متحبشة وبالتفصيل:: تعالوا و احكموا –عيدكم مبارك:: 2024.

حبيباتى فى لكى صممت على ان انزل لكم طريقه الفته المصرية بالخل والتوم
فى اول يوم العيد بعد تنفيذها مباشره
يمكن من كتر تميزى فيها حبيت انقل طريقتها للجميع مثلما تعودنا فى منتدانا على تبادل الأطباق

نبدأ بالمقادير
انا هنا نفذتها ل 3 افراد

2 كوب ارز مصرى منقوع لمده 20 دقيقه فى الماء الفاتر.

عصير 2 طماطم و 3 ملعقه صلصة طماطم.
ملح و فلفل.

خبز اسمر بالرده مقطع لقطع صغيره .
زيت – زبده – سمن .
لحم كندوز او ضانى او بتلو قطع ( كباب حله )
ثوم + خل

نبدأ بالخطوات التفصيلية:
اول حاجه ننقع الرز

ومن جهه اخرى نحمص الخبز المقطع فى صينية مع ملعقتين كبار زيت وفصين توم مفروم وشويه خل لمده خمس دقايق .

من جهه اخرى كمان نضع عصير الطماطم على النار تستوى شويه حتى تتقل ونزيد عليها صلصة الطماطم ونشيلها من النار ونجيب قطعه زبده ونضع فيها حوالى 4 فصوص توم مفروم واما تبتدى تصفر شويه نحط الخل حوالى ملعقتين كبار او اكثر ونزلى عليهم الصلصة وسيبيهم يتداخلو فى بعض لحد مرحلة التسبيك اى التقل الحلو ونطفى عليهم بعد اما نحط شويه ملح و فلفل اسمر.

نيجى للأرز نجيب ملعقه زبده و ملعقه سمن نباتى ونسيحهم فى الحلة

ونقلب فيهم الرز بعد تصفيته جيدددددددددا لمده خمس دقايق

وبعدين نحط الملح وورقتين ورق لورى (ورق الغار) ونضع كوبين وربع ماء ونحطهم على نار متوسطه

لحد اما يشرب الماء وننقله على نار هادئة جدا حتى يفلفل او يتم تسويته وكل حبه ارز مستقله بذاتها و مستويه .

بعد كده ننتقل للعيش بعد خروجه من الفرن ويبرد شويه نشربه بالشوربه لحد اما يطرى شويه ونصفيه من باقى الشوربه ودى او طبقه كده فى صينية بايركس وبعده ننزل الأرز الأبيض


وعلية رشه فلفل اسود

وبعد كده نعمل طشه توم و خل مع زبده ونحطها على الوش

وبعدين الصلصه .

ونحمر اللحم بدون اى مواد دهنية فى طاسة تيفال 15 دقيقه مع التقليب

ونحطه على وش الفته .

طبعا الألوان تجنن واكيد الطعم ان شاء الله

عن قرب بأه

وتقدم مع صلصة لمحبى الزياده
على فكره يمكن عدم تحمير اللحم وتقديمه مسلوق بس احنا بنحب نحمره