اذا وقع زوجها عن الدرج:
الثانية : ولي على آمتي، سلامتك حبيبي أن شاء الله ، انا ولا انتا ابن عمي ) ميته خوف عليه (
الأولى : شو مالك دخت ؟ الله ما برمي الناس بحجار خطيتى الله لا يردك ( بتستناه يموت علشان تورث)
اذا الزوج بدو يسافر:
الثانية : انتبه لنفسك ابن عمي، جهزتلك الشنطه، كتّر خيرك على الاغراض اللى اشتريتها، بيكفوا سنه الله لايحرمنا من دخلتك علينا، أولي على آمتي، تروح وترجع بالف سلامه
الأولى :أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح ( هوايتها نكد )
إذا الزوج تأخر بره فى شغل او مع صديق:
الثانية : شو إبن عمي ! غلي ألبي عليك تؤبشني يا حءء وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا ( يؤبرني دلع الشام )
الأولى : شرّفت !! وين كاين؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي إيد قدام وإيد ورا، كويس عرفت إلك دار وروحت ( لا تعليق)
إذا طلبت شى منه :
الثانية : إبن عمي تؤبشني تؤبر ألبي ( كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.
الأولى : إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة إللي بتقرف ( هاى طخها حلال )
إذا جابلها هدية :
الثانية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري
الأولى : والله غاب وجاب، وياما جاب الغراب لمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدار أحسن ( حسبي الله )
اذا بدك شي منها :
الثانية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب ألبي
الأولى : مهو حرام نستريح شوي، لازم حياتي تظل تعب ونكد، هو فش غيرك فى الدار؟ مش فاضية، وللا أقلك اطلع من الدار حل عنى روح شوفلك شغله سويها، فقعت مرارتى من شغل البيت اففففف اففففف.
لو طلبت منها فنجان قهوة :
الثانية : من عيونى ابن عمى، أحلا فنجان بن من دياتى يستاهل تمك، وبدياتى راح شربك كمان، تعبك راحة ابن عمي، ما في اغلا منك حبيب ألبي ( تخيل فنجان القهوة بس )
الأولى : بدك قهوة ؟ هي اخوانك مرميين فى الحوش روح اشرب معهم، وللا أقلك روح عنك امك بتعملك، أترك شغلي وأعملك قهوة؟؟ هادا اللى ناقص، ياااا رب موتني وخلصني من هالعيشة اللى بتقرف ( كل هادا علشان فنجان قهوة ريتو سم ياشيخة )
اذا حكالها (بدك شي؟) وهو طالع :
الثانية :- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك اعملك شى لمن ترجع؟ ( بتكون غبى لو طلعت وتركتها )
الأولى : لأأأأ (مع تبويزه طولها شبرين)… بديش إشي، وين بدك تروح؟ ومع مين بدك تقعد؟ انشالله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي.
الذوق والتنويع فى الاكل:
الثانية : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة هههههههههه بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك ابن عمي.
الأولى : لو عندها كل أنواع الخضار، والثلاجة مليانة اغراض ولحمه وسمك، هو هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا اذا كنت محظوظ و ما حكتلك فش بندوره و خيار روح اشتري، أو خلص الغاز في نص الطبخه، روح جيب غاز اذا بدك توكل.
طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون كالتالي: اليوم إجت فواتير الكهربا والميه، متى بدك تدفعهم ؟ اليوم انكسرت إيد الحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره يشتري كندره.
وأهم أشي: بس تخلّص أكل ودّيني عند اهلي، طلعت روحي طول اليوم فى المطبخ ( يعني عاملة الغنايم ما شالله ) … خليها تروح يمكن تنفتح نفسك وتاكل زي الخلق.
===============
ومع ذلك بتبقى الزوجة الأولى افضل لأننا تعودنا على النكد..
ومن هنا الزوج يسبق الزوجة الى جنات الخلد وليس الخلود بيصير مقبور بالدنيا وبالآخرة
م ن ق و ل
ترى انا ست ما بتحب زوجها يتطلع لغيرها بس قرأته وحبيت ارفه عنكم
الاولى احب من التانيه
يعني حصلت هايه الموضوع من قبل
يقولون باوع الفرق بين الزوجة السورية والاردنيه
ومكان لاخ حصلت باوع الفرق بين الزوجه اللبنانية والاردنيه
وهسه حصلت بين الاولى والثانيه
وصارت طلابه بين الجناسي بالمنتدى
احسن شيء الواحد يفك روحه من هايه المواضيع
تحياتي الج خيه
يعني حصلت هايه الموضوع من قبل
يقولون باوع الفرق بين الزوجة السورية والاردنيه
ومكان لاخ حصلت باوع الفرق بين الزوجه اللبنانية والاردنيه
وهسه حصلت بين الاولى والثانيه
وصارت طلابه بين الجناسي بالمنتدى
احسن شيء الواحد يفك روحه من هايه المواضيع
برافو عليك اختي شهيده الفلوجه وبعدين هالموضوع كان مقارنه بين الزوجه الفلسطينيه والسوريه يعني ليه تغيري الادوار تلعبي على مين يااخت وبعدين مافيها اي متعه وباااااااايخه ..
حللللللللوة
لالالالالالالالالالالالا أنا مو متفقة مع صاحبة هالموضوع باللي قالته
بس ترى مو شرط تكون الزوجة الأولى بهالنكد
على العموم تسلمين على النقل اختي
ههههههههههههههههههه
حلووووووووووووة ويسلمو على الموضوع
الاخت لكل زهرة عبير ماقصدها شئ وحبت تضحكنا وجزها اللة خير
وطلعنا من جو المشاكل يسلموووووووو استمري في العطاااااااااااااااااء
الاخت شهيدة الفلوجة : ان قرأت الموضوع هيك زي ما هو في احد المواقع وليس المنتديات وبعدين لكل وجهة نظره وحياك الله حبيت الموضوع او ما حبيتيه