☂ الفينو الصمون الصامولى اختلفت الاسماء والخبز واحد ☂ من مطبخ بيرو ☂ 2024.

النهاردة بإذن الله هانعمل الفينو او الخبز الصامولى أو الصمون ..

حسب اللهجة المحلية لبلدك

أول مرة فكرت انى أعمل فينو كانت النتيجة كارثة تفوق كارثة تسونامى

محمد دخل المطبخ لقى حوالى 8 صوانى على الحوض والأنبوبة فاضية وايدى ملسوعة فى الفرن والحمد لله مافيش ولا رغيف فينو واحد موجود .. طبعاً اخفيت آثار الجريمة وحطيتهم فى كيس وعطيتهم لأخويا علشان يغذى الطيور بتاعته

قالى طيب كنتى قولتيلى كنت جبت لك بـ2 جنيه فينو وانا جاى

ما علينا .. الحمد لله ذكرى أليمة وراحت لحالها

نشوف النتيجة مع بعض المرة دى واحكموا عليا .. إما اكرر التجربة أو اخلى محمد يجيب لى بـ 2 جنيه

1 كوب لبن حليب سائل

21 كوب ماء

41 كوب زبدة

21 4 كوب دقيق جميع الاستعمالات ممكن نحتاج اقل حسب نوع الدقيق

1 ملعقة طعام خميرة فورية

2 ملعقة طعام سكر ابيض

21 1 ملعقة شاي ملح (المرة الجاية بستخدم نصف المقدار)

1 بيضة

ننخل 2 كوب من الدقيق ونضع عليه السكر والملح والخميرة

ونخلط

وهنا الزبدة ساحت مع اللبن والماء

اضيفها على المواد الجافة

ثم البيضة ونقلب الخليط

ثم نضع الدقيق دفعة دفعة

حتى تتكون لدينا عجينة وهنا استكملت العجن على الرخام (الكلام ده كان فى الصيف دوقتى شتا ثلج فبلاش موضوع الرخام ده) مش عاوزين العجينة تتلج

وبعد ما تتكون عندى عجينة أغطيها واسيبها ترتاح حوالى نصف ساعة ..

وهنا ارتاحت وهابدأ العمل بيها

وبعدين افتكرت احد الاخطاء اللى ارتكبتها أثناء الجريمة الاولى

ان الفرن لازم يكون سخن جدا .. رحت غطيت العجينة بفوطة ورحت فتحت الفرن .. فاختمرت شوية تانى وبقت جميلة

من الداخل

مع الجبنة البيضا

ومع عسل النحل

ومع اللبن الحليب