السلام عليكم
ورمضان الخير والرحمه مباقي عليه شي انشاء الله
فنقول رمضان مبارك على الجميع
اليوم راح احجيلكم على الكباب العراقي وطريقة عملة بصورة مضمونه :
طبعا الكباب العراقي الاصيل يكون من لحم الغنم الخالص ((الغنم العراقي ابو اللية يعني الشحم)) ياخذون الخواصر ويسوه كباب. بس هاي شوية صعبه…لانه الغنم لحمه قليل ولهذا ناخذ لحم
العجل ونخبط ويا لية الغنم .
المقادير:
1- كيلو لحم عجل صافي مع 200-300 غرام لية غنم , تفرم فرم ناعم جدا.
2- بصلة بيضاء متوسطة الحجم واحدة.
3- ملح
4- بقصم ناخذه من الافران , وبلاد الجوار يسموه قرشلة ثلاث ملاعق طعام.
طريقة العمل:
ناخذ البصلة ونبرشه برش ناعم بصحن .. طبعا البصلة راح اذب الماي مالته وهنا يكمن السر, لازم البصل المبروش يتنشف من الماي مالته لانه هذا الماي هو سبب اساسي من
اسباب فشل الكباب ويوقع من الشيش.
يضاف البصل المبروش المتنشف من الماي((شلون يتنشف: اخذوا بيدكم وعصروا)) الى اللحم المفروم وتضاف القرشلة اليه وملح حسب الرغبة وهنا يبدي العجن , يعني شكيد
مابيكم لازم تعجنون باللحم . ورا متخلصون العجن تحطوا بالثلاجه لمدة ساعة على الاقل.
هسه نجي على الشياش,,,,,,,اهم شي الشياش لازم تكون نضيفة ومغسولة زين وناشفه.
نطلع اللحم من الثلاجه ونبدي انشيش ,,,,,افضل طريقة للتشيش هو تاخذ كمية من اللحم على قدر الشيش وسويه طوبه بيدك بعدين طوبة اللحم ادخله بالشيش وتبدي تفرد بيه .
وتكون بهذه الشكل
نار الشوي لازم تكون قوية مو هادئة , ومن تشوي الكباب بالبداية اول دقيقتين لازم اضل تقلب بالشيش حتى اللحم يستوي بصورة متساوية , اذا استوت جهه كلش والجه الثانية
بعده راح يوقع اللحم وتفشل الطريقة .
الشكل التهائي
ولاتنسون ترشون الســــــــــــــــــــــــماك فوق الكباب
والـــــــــــــــــــــــــــــــف عافيه
تسلم لايادى الحلوة يارب
منتظرين جديدك بشوق
ما شاءالله تبارك الله
ريحة جوووووووووووونان
وشكله حلو الله يسلمك ويبارك فيك
شكلها شيري شبعانه وتركتي الطبق
وهاتك يا لططططططططططططش هههه
الله يسلم هالايدين
ربي ينعم ع العراق بالأمن والأمان
تسلم دياتك يا رحيق
وبانتظار المزيد من الأطباق التي تحمل النكهة العراقية
رمضان مبارك
جزاك الله كل خير
كتبت بواسطة ♥أخت فى الله♥ 
تسلم لايادى الحلوة يارب
منتظرين جديدك بشوق
يسلمووو حبي اخت في الله على المرور نوووورتي
كتبت بواسطة رودينا7
ما شاءالله تبارك الله
ريحة جوووووووووووونان
وشكله حلو الله يسلمك ويبارك فيك
شكلها شيري شبعانه وتركتي الطبق
وهاتك يا لططططططططططططش هههه
الله يسلم هالايدين
هههههههههههههههههههه
والله ياحبي اني اصلا اكل نصف الاكل قبل 
لايوصلهم وبعدين اكول لامااشتهي اكلو انتو عود رجيم 
نووورتي غاليتي
كتبت بواسطة أم فئ مشكوووووره حبي على المرور العطر نووورتي
كتبت بواسطة وعود الخير ربي ينعم ع العراق بالأمن والأمان
تسلم دياتك يا رحيق
وبانتظار المزيد من الأطباق التي تحمل النكهة العراقية
رمضان مبارك
الله يبارك فيكي ياغاليه والله محتاجين دعواتكم والله ينعم الامن والامان على بلاد المسلمين جميعا
نووورتي الصفحه حبي