الكبدة الإسكندرانى من قلب الاسكندرية تعالوا دوقوا مممممممم 2024.

انا مش عارفة إذا كان حد سبقنى و وصف الكبدة الإسكندرانى و لا لأ
لكن و الله دى الطريقة الى انا بعمل بيها الكبده و احب اعرفكم إن انا طبعا إسكندرانية صميمة و كنت اعملها من ايام ما كنت بالجامعة لدرجة إن احد زميلاتى عزمت عليها بسندوتش فرفضت لأنها لا تحب ان تأكل الكبده البيتى لان طعمها يختلف عن الكبده الى تباع فى المحلات طبعا بتاعة المحلات احلى و انا عرفت السر و حقولهولكم دلوقتى بس عايزه اقول لكم ان زميلتى هذه لما ذاقتها اكلت كل السندوتشات الى كانت معايا

و دلوقتى تعالوا حقولكم المقادير :
1/2 كيلو كبدة
راس ثوم كبيره مفرومة
شطه او فلفل حار
3 حبات فلفل رومى مقطع قطع صغيرة
1/4 كوب زيت زيتون
ملح و كمون
ملعقة طعام خل

الطريقة :
اولا نفرم الثوم فى المفرمة و نضع عليه الفلفل الحار او الشطه و الملح و الكمون و ملعقة الخل.
و نضع هذة الخلطة فى الثلاجة لمدة 3 ساعات او ممكن نحطها من بليل لتانى يوم .
بعد كده نضع الزيت على النار و نشوح فيه الفلفل الرومى و لكن لا نتركه يذبل يعنى 5 دقايق بس ثم نضع فوقة الكبدة لمدة 15 دقيقة ثم تقدم ساخنة .
و بالهنا و الشفاء مستنيه تدوقوا و تقولولى إيه رأيكم .

ويسلمو هالايادي يارب

بجد شكلها بشهي

يسلمووووووووووووووووووووو

أختى علا الله يخليكى يارب بالف هنا و الشفاء على قلبك يا حبيبتى

أختي ماقلتي لنا متى تحطين الكبدة ..

يعني نحط الكبدة في الثلاجة مع الخلطة وله كيف ؟!!

حقولكم الطريقة تانى بتفصيل اكتر شوية بس خلى بالكوا من الريحة واووووووووووو عشان الفضايح بس

اولا نفرم الثوم فى المفرمة و نضع عليه الفلفل الحار او الشطه و الملح و الكمون و ملعقة الخل.
و نضع هذة الخلطة على الكبدة و نقلبها فيها حتى تندمج الخلطة مع الكبدة كلها ثم نضعها فى الثلاجة لمدة 3 ساعات او ممكن نحطها من بليل لتانى يوم و هو دة السر فى الطعم و الريحة .
بعد كده نضع الزيت على النار و نشوح فيه الفلفل الرومى و لكن لا نتركه يذبل يعنى 5 دقايق بس ثم نضع فوقة الكبدة لمدة 15 دقيقة ثم تقدم ساخنة .

يارب تكون الطريقة وضحت اكتر و اى إستفسار تانى انا فى الخدمة .

يسلمو ايديكي حبيبتي