سلام
اول مره انزل موضوع بالقسم وياريت يكون خفيف ( كثري منها هذي كبسه تعرفين شنو يعني كبسه) ولذيذ
الطريقه
حسب ما أنا و أمي وعيلتي نسويها
نبدأ بالمقادير
بصل مفروم ناعم
لو تلقين مثل هذا البصل تطلع ألذ نسميه بصل حساوي نسبة الى منطقة الأحساء
طماطم مطحون
معجون طماطم
ثوم مفروم
بهار مشكل
ليمون مجفف
دجاجه منظفه ومغسوله (انا احب اطبخها بدون جلد)
رز بسمتي طويل الحبه مغسول ومنقوع
الطريقه
تقلي البصل بالزيت لحتى يتحمر شوي انتبهي لايحترق
هذا شكله بعد ماستوى ( وانا اصور لكم احترق معي شوي معليش بتصير في احسن العائلات )
ضيفي الطماطم المفرومه والمعجون والبهار والليمون المجفف
قلبيهم على النار لحتى يتسبك زين
ضيفي الدجاج
خليه على نار متوسطه الى خفيفه لحتى ينضج وهذا شكله
طبعا لاتنسين اضافة الملح في هذي المرحله
بعد ماينضج الدجاج زين ارفعيه في قدر ثاني او صينية فرن (حتى تقدري تسخنيه اذا استوى الرز)
شوفو شكله كيف مستوي ولذيذ
البعض يحمر الدجاج بالفرن
اذا بتحبي ارفعي من المرق شوي (الحموس عيالي يحبون يرشون بها الرز )
بالقدر نفسه بعد مارفعتي الدجاج زيدي مويه ( نسميه مروق)
حتى نسوي فيه الرز
انتبهي لايكون كثير يادوب يغطي الرز ويرتفع عنه 2 سانتي تقريبا ( دخلنا على الرياضيات )
خلي المروق يغلي ثم اضيفي الرز بعد تصفيته من ماء النقع (شفتي كيف الرز يبان يعني لايكون الماي مرتفع كثير عن الرز وحده زمان قالت لي اذا بدى يغلي لازم تشوفين الرز كذا المروق يكون مضبوط)
اتركيه على نار متوسطه لحتى ينشف شوي والرز يشرب من المروق
الحين خليه على نار هاديه جدا (شعاعه)
واتركيه تقريبا نص ساعه يتسبك عدل وينشف
وهذي صوره ثانيه (بدون فلاش)
وبس خلاص خلصت الكبسه
تقدم مع سلطه خضرا او بصل اخضر
ماكان موجود عندي بصل اخضر جبت لكم صوره من العم جوجل
مشيت الحال مع بصل احمر وطماطم وبقدونس
اذا بتحبي ضيفي على سلطة البصل فلفل حر
وهذا احلى صحن كبسه لحبيباتي بنات لك الحلوين
وهذي شكل سفرتنا الخليجيه التقليديه
كبسه ورطب وسلطه خضرا وكاس لبن بدون الملاعق احنا ندق بالخمس ناكل بايدنا يعني ( للأمانه مو من تصويري هذي من العم جوجل)
بالعافيه على قلوبكم
سامحوني اذا في اي تقصير
بس ياريت لو كتبتي اسمك على الصور
حفاظا على حقوقك
تقدري تكتبيهم
وترسليهم برسالة خاصة لاحدى المشرفات
لتعدلك الموضوع
وبانتظار وصفات اخرى من تحت ايديك
شكرا عزيزتي ام مريم على التنبيه مره ثانيه ان شاء الله
اميرة الربيع عادي لو بتحبي تشويها
عيلتي زي مانتي شايفه تحبه كذا بالحمسه بدون تحمير
واخييييييييييييرا عرفت الكبسة على اصولها اكييييييييييد باذن الله راح جربها
يسلموووووووووووو يا قمر
ساااااااااااااااااااااااااااااااااارة.. الكبسة طالعة معك رهيبة..
تسلم هالايدين يا قمرة.. ان شاء الله رح اجربها عن قريب..
اه نسيت.. شكل البصل بالصورة الاولى عن جد غريب ما اظن الاقي متله..طعمه بيختلف عن البصل العادي؟؟
يمي يمي يمي………..
على فكرة هذي طريقة اهل الاحساء كلهم اول مادخلت وشفت صورة البصل على طول قلت العضوة هذي حساوية…………
بالنسبة للسلطة انا استخدم بصل حساوي اذا مو متوفر البصل الاخضر وليمون حساوي طازج او المخزون……..لذييييييييييذ
يعطيك العافية روعة روعة………
ماظن تلقونه هذا محصول موسمي وحصري بواحة الاحساء الخضراء
طعمه بيختلف عن البصل العادي
بالكبسه يمييييييييييي
تطلع على اصولها تمام
جربوا وادعوالي
شكرا rafal1
طلعتي بلدياتي يعني
وهذي صورة الليمون الحساوي للي مايعرفه
