انا اليوم جبت لكم الكبيبه المصرى
بس مش هاكتب المقادير ولا الطريقه الا لما اشوف مين عايز ها مين قال عايز
بس انا مصممه لانها لذيذه جدا والله ونفسى الكل يعملها يالا مين قال عايز
أختي "عبير صباح الدين" فين الطريقه……..هيا ترا شوقتينا
الاصــيل شكرا على ردك ومن عينى الطريقه
ام مودى شرفتينى وهو انا اقدر ده كفايه زيارتك العزيزه
الكبيبه المصرى
المقادير
نصف كيلو لحم احمر بدون عروق – 2كوب ارز مغسول ومصفى – 2بصله كبيره – ملح فلفل بهار – ذره بيكربونات
للحشو
سمن بلدى مخلوط بالفلفل والملح او لمحبى اللية -قطعة لية 100 جرام معها بشر بصله صغيره
الطريقه
يوضع البيكربونات و الملح على اللحم ويفرى جيدا فى الكبه يفرى البصل ناعما ويوضع على اللحم نطحن الارز جيدا ويقلب على اللحم وتوضع البهارات والفلفل وتعجن جيدا
تحشى عجينه الكبيبه باى حشو من السابق شرحه حسب رغبتك وتشكل على هيئة اقراص
وتسلق فى ماء مضاف اليه ملح وحبهان
ثم تنشل وتحمر فى السمن وبالهناء حبيباتى
يالا جربوها وقلولى بقى وباذن الله تعجبكم
تفتكري لو سلقنا اللحمة مش تبوز او تتفكك؟
لا طبعا اوعى تسلقى اللحم تتفكك ومش تطلع كبيبه بالمره والله لو قريبه منى شويه كنت اعملها لك قدام عنيكى علشان الوصف غير العملى
ويارب تطلع معاكى مظبوطه لان طعمها جنان
كفر الشيخ احلي ناس عارفة بقي بالصدفة كنت لسه قاعدة مع دكتور من عندكم
انيت زي العسل ومشكروة ولو اننا فعلا قريبين كنت خليتك ولم اتنازل عن اني اجي اشوفها عندك
انشاء الله ربنا يستر وتطلع كويسة
الله يخليكى ده من زوقك طبعا
ده انتى اللى زى العسل والسكر كمان
طبعا باذن الله هتطلع جنان علشان باديكى هتعمليها الله يوفقك