السلام عليكم ورحمة الله وبركاته
جبت 3 فصوص ثوم وقطعتهم بالنص وعملت شقوق فى العرق وحطيت التوم وحطيت فلفل اسود حب ودى الصور
وبعد كدة جبت الخيط عشان الفة ودا شكله
ودة الشكل النهائي بعد اللف
بعد كدة جبت عصير بصلة وحطيت عليه 3 معالق خل عصير ليمونة ملح فلفل 3قرنفل مسمار بشرة جوزة الطيب وخلطهم مع بعض بلشكل ده
وغطيته بالبلاستيك الشفاف وحطيته في الخليط ده ليله كامله في الثلاجه مع التقليب المستمر
تانى يوم جبت بطاطس بصل جنزبيل فريش بصل جزر وكرفس
وبعدين جبت صاج ولفيته بقصدير وحطيت عليه الخضار وشوحت العرق في ملعقتين سمن ودة شكله
وبعدين حطيت العرق على الخضار وحطيت الصوص اللي باقي من التتبيله علية وغلفته بالقصدير وحطيته فيى الفرن على نار هاديه اخد منى ساعتين ونصف لحد ما دخلت فية سكين رفيع دخلت بسهوله
ودة صورة بعد ساعه من دخوله الفرن
وبعد ما طلع من الفرن سيبته يبرد شوية وجبت ورقة قصدير دهنتها بزبدة ولفيته فيها وحطيته في الثلاجه
وبعد ما طلع من التلاجه قطعته رفيع بسكينه منشار ودة الشكل النهائي له
موضوعي خلص اتمنى يعجبكم ومحتاجه منكم دعوه بظهر الغيب باذن الله مستجابه ان ربنا يرزقني زرية صالحه ويوفق جوزي ويباركلي فية ويهون علينا الغربه
وتسلمى على الوصفة الجميلة
والف هنا وعافية على قلوبكم يارب
بس انا ما بحب الثوم ممكن اعملها بدون ثوم
كتبت بواسطة amal250 
وتسلمى على الوصفة الجميلة
والف هنا وعافية على قلوبكم يارب
الله يعافيكى يارب تسلمييي على المرور
كتبت بواسطة solafjo بس انا ما بحب الثوم ممكن اعملها بدون ثوم
الله يسلمك ياقمر عادي خالص انك تعمليها بدون توم ممكن فلفل اسود حب بس ممكن بدون اي شقوق خالص انتى بس لو عاوزة تتعززي النكهة مش اكتر
كتبت بواسطة أم نور الدين1 بالهنا والشفا على قلبك ياقمر