وان شاء الله تكون طريقتها مضمونه لما تجربونها
واطلعت حلوه ومقرررررررمشه على الاخر
المقادير :
2 ك طحين ابيض
1 ونص كوب ماء دافي
1 م خميره
2 م نشا
1 م كاستر
رشة سكر
الطريقه :
نعجن كل هالمقادير … ونتركها حتى تخمر انا خليتها ساعه
ما صورت شكل العجينه وهي خامره …. لكن هذي بعد ما اخمرت وقاعده اصب منها بالزيت
نحط الزيت على النار لما يسخن … وبعدها نبتدي نصب اللقيمات … انا لاحظة ان الطحين الابيض اشوي يطول على النار يعني ما تتحمر بسرعه … وهذا افضل حتى تاخذ اللون الذهبي …وابدي حركي فيها حتى تاخذ اللون الذهبي من كل الجهات … بعدها نحطها في المصفى … وبعدها بالشيره … وهالخطوه نسويها بعد كل مجموعه من الصب … يعني مو تنطرين تخلصين كل اللقيمات وبعدين تصفينها وتشيرينها لا خلي كل مجموعه تسوينها تصفينها اشوي وتحطينها بالشيره
بالاخر راح تطلع بهذا الشكل ومقرمشششه حيل … وحتى لليل وهي مقرمشه … رشي عليها اشوي هيل وزينيها بالسمسم
وان شاء الله تعجبكم 
بس النشا هو المهم فيها وهو اللي يعطيها القرمشه
وممكن تستغني عن الكاستر اذا ماتبينه وتحطين بداله زعفران منقوع بالقليل من ماء الورد
وربي يسلمك عزيزتي
بس اعتقد ما راح تكون كتير يابسه لانه فيها نشا وكستر … صح الكستر رح يعطي لون بس الكستؤ في نشا ؟؟ على العموم رح اجربها بالظبط متل ما قلتي واذا طلعت يابسة زياده
رح اعملها بماء الورد والزعفران 
يسلمو ويسمنوا يا عسل ..
بس قصدت مقرمشه وتفضل لليوم الثاني ولا تلييييين
انتظر رايك فيها وان شاء الله تضبط معاك
شكل اللقيمات رهيب
بجرب طريقثج ويارب تضبط معي
يعطيج العافيه
وتسلمين "ام عزيزان"
وبخبرج بالنتيجه
كتبت بواسطة حنونةالكويت طريقة ام البطاط احلىىىى
بس هذى هم حلوه وسريييييعه
جربيها راح تعجبج وبعدين انتي احكمي … لان الناس اذواق
كتبت بواسطة سهومه وبخبرج بالنتيجه
وكل عام وانتي بالف خييير
يارب تضبط معااااااج
وانتظر رايج فيهااااااا