الي اخواتي الليبيات المبدعات في فن صناعة الحلويات نبيهم يساعدوني بمعلومة بسيطة وهي نبيكم تبعتوني لمكان محدد يبيع في ماكينة اللويزة الجوزية واللة ادعيلها ليل نهار اللي بتساعدني وادعيلكم كلكم عضوات منتدي لك
والله ماعنديش فكره بس توا نسالك لما نكلم امي واخواتي واكيد اخواتنا اللي هنا الليبيات مش حيقصرو واكيد نلقاهم عاطينك العنوان قبل مانوالي سلام حبيبتي
اختك اللليبيه2
شكرا لك اختي الحبيبة libyaa2وياريت تساليلي ماما وتقوليلي العنوان لاني والله ماحصلتها لحد الان
والله ماعندي فكره للاسف وان شاء الله تلقيها
السلام عليكم
باذن الله حنسالك جاراتي …لاني الان مش في ليبيا..لكن اختي قوليلي انت وين في ليبيا بالضبط…
حتى انى منين كنت في ليبيا كان خاطري فيها وملقيتهاش لكن والحمد لله لقيتها في ماليزيا وحنشريها باذن الله تعالي
انى متاكدة ان البنات حيساعدوك
اختي ام جعفر وجمانة انا اسكن في طرابلس تحديدا في المدينة السياحية قرقاش فارجو انك تساليلي جارتك وتردي عليا
السلام عليكم ورحمة الله وبركاته
اختي الفرجانية شوفي في سوق العائلة بطريق السواني انا خديتها من غادي
او سوق التلاثاء
تقبلي ارق تحياتي
والله العظيم ما عندي فكرة لكن ممكن تلقيهافي مركز الحايس