السلام عليكم ورحمة الله وبركاته
الكبسه للي يحبون الرز والكبسه
هي كالتالي :المقادير (وتكفي 4اشخاص):
دجاجه مقطعه نصفين
2حبه بصل مقطع مربعات وسط
3حبه طماطم (احمر مستوي)مقطع مربعات زي حقت الشيش طاووق او اصغر شوي
حبه فلفل اخضر مقطع نفس البصل والطماطم
ثلث كوب زيت ذره
3 اعواد قرفه 5 حبات هيل 5 حبات عويدي (قرنفل) 2ليمون اسود 3ورفات غار
ملعقه ك بهارات مشكله وذا ما عندك (اطحني كمون وفلفل اسود وكزبره) تكفي
3كاسات رز بنجابي المهيدب او تلدا او (السنبلتين مزه)
1مكعب ماجي حسب الرغبه ملعقه ك ونصف ملح او حسب رغبتك
نجي للطريقه :
طبعا انا استخدم قدر ضغط للكبسه واللي تستخدم العادي تراعي مدة النضج تكون اكثر والرز مو ممصوص زي الضغط يعني النتيج تكون مو سوى
تغلين الماء حق الكبسه اللي بتطبخين به ثم تغسلين الرز مرتين اذا بسمتي و3 اذا مزه وتنقعينه
ثانياتعملين الكشنه كالاتي:
تضعين الزيت ثم البصل ثم اعواد القرفه والهيل والعويدي والليمون والغار حتى يبدا يتحمر البصل بعدها تضيفين الطماطم وتتركينها تذوب شوي وتضيفين الملح والماجي والبهارات المشكله وتحركينا دقيقتين
ثالثا:
تضيفين الدجاج على الكشنه وتصبين الماء اللي سبق وغليتيه على الدجاجه حتى تغطينها وتضغطينها(في قدر الضغط)لمدة ثلث ساعه على حسب ماتحبين درجة الاستواء
رابعا:
تنشلين الدجاج وتضعينه في صينيه وتدخلينه الفرن لتحمير
خامسا:
تصفين المرق من الكشنه (البصل والطماطم) جيدا ثم تضيفين الرز ويكون المرق فوق الرز بمقدارانش تعدلن الملح وتضيفين ملعقتين زيت على الوجهه الا اذا كان فيه زيت كثير على وجهه المرق تبطلين
تغلقين القدر وتكون النار عاليه شوي اي على قاعة القدر كامله لمدة 5 دقايق ثم تخفض قليلا لمدة 7 دقايق ثم تخفض اكثر لمدة 10 دقايق
خامسا:
تقدمين الرز وتضعين فوقه الدجاج المحمر وتحطين خلطة البصل المحمر على الوحهه
سادسا: متأكده اذا مشيت على الخطوات بالظبط بتاكلين الذ كبسه في حياتك
ااالله انا من عشاق الرز بوجهه عام
والكبسه ياسلام ياعيني عليها بمووووووووت فيها
سبحان الله نكهه وطعم وشكل وريحه
امممممممممممممممم يسلمو ايديكِ حبيبتي
طبعا مانقدر نستغنا عن الكبسة
وأن شاء الله راح أجرب كبستك تسلمي غاليتي