ديه طريقة السنجاري بتاعي جربوه وادعوا لبنتي ربنا يشفيها
اولا تجيبي اي نوع سمك ينفع يتعمل في الفرن زي البوري او الهامور او الوقار
وتفتحيه من الداخل وتسيبيي الشوك عادي يعني
انا بصراحة بخلي المحل اللي بشتري منه السمك يفتحهولي
المهم
المقادير
3 بصلات متوسطة
ا مص توم مفروم
فلفل حراق
طماطم مقطعة صغير
خضرة وهي عبارة عن بقدونس +كسبرة +شبت+ كرفس بس كتري من اليقدونس والكسبرة
كمون
فلفل اسود + ملح
شطة
جنزبيل مبشور
نبدأ بسم الله
تجيبي طاسة كبيرة شوية
وضعي فيها شوية زيت كتير
قطعي البصل صغير وشويحه في الزيت لحد ما لونه يتغير شوية وبعدين حطي التوم وقلبي
ثم حطي الطماطم مقطعة صغير والفلفل الحراق وقلبي باستمرار علي نار وسط
ثم بعد حوالي 3 دقائق ضيفي الخضرة بعد ما تكوني قطعتيها صغير وقلبي ثم ضيفي الكمون والملح والفلفل
واتركيها 5 دقائق علي نا هادئة
واتركيها تبرد
هاتي صينية وادهنها زيت وحطي فيها شرحا بصل وطماطم وليمون وحطي السمك فوقها
ثم ابدئي تحطي الحشوة ديه علي السمك وعند خياشيميه افتحيها واحشيها ثم رشي عاي السمك شوية زيت ويدخل في فرن حامي لحين ما يستوي وقدميه مع رز الصيادية
وبالهنا والشفا
استنوا اللي عاوز طريقة الرز يقولي ميتكسفش هههههههه
تسلم إيديكي حبيبتي dali
و ربنا يشفي بنتك شفاءا لا يغادر سقما .. عاجلا غير آجل و كل مرضى المسلمين .. آآآآآآمين
و في إنتظار طريقة الأرز
و ربنا يشفى لك بنتك و يطمن قلبك عليها اللهم امين
بس تسلم ايديكى شكله رااااائع