دجاجتان كل دجاجة تقطع إلى أربعة أقسام
2 كوب من زيت الزيتون
4 أرغفة خبز طابون على الحصو
6 بصلات جوانح
نصف كوب ماء + كوب صنوبر + ملعقة زعفران + 3 ملاعق سماق مطــــحون + نصف ملعقة فلفل حلو + ملح وفلفل حسب الرغبة.
الطريقة:
سخن الفرن إلى درجة حرارة 350 ف ادهن الدجاج بالزيت وملحه وفلفله وضعه في صينية الشوي محاطاً بالبصل المجنح والماء، اترك الصينية في الفرن نصف ساعة وأثناء ذلك قلب الدجاج وعندما يبدأ الدجاج بالاحمرار. حمر الصنوبر بزيت الزيتون مع البصل ضع على الدجاج المزيد من الزيت وانثر خليط البصل والصنوبر والزعفران والسماق والفلفل الحلو فوق الدجاج.
بعد نصف ساعة أخرى الدجاج المشوي. وضع رغيفاً في قاع طنجرة عميقة وشرّبه بالزيت ثم ضع عليه قطعة أو قطعتين من الدجاج وكمية من البصل ثم ضع على الدجاج رغيفاً آخر وضع فوقه دجاجاً وكمية كافية من البصل والصنوبر وهكذا حتى تنتهي الكمية ولا بد أن يكون خبز الطابون (على الحصو) مشبعاً بالزيت.
وهذه الوجبة تؤكل بالأصابع وتكفي ستة أو ثمانية أشخاص.
لما كنت في لبنان، رحت على مطعم، احترت بالطلب فقال لي النادل: شو رأيك بمسخن أردني؟ انا قلتله: ياريييييييييت الحقني فيه…
المهم جابلي مسخن طعمته لهلأ تحت لساني. كانت الخلطة مثل الطريقة المعروفة. لكن الخبز عامل مثل أرغفة حاشيها بالحشوة ولاففها وبعدين شاويها على شواية مكبوسة حتى تتحمر. بعدين مقطعها….. يا الله شي خيالي.
تسلم إيديك ياريهام، يبدو رح أنفذها قريب.
اختي إيمان علي شهيتنا رايحه ساويهاوخبركن شو بيصير معي
بس
4 أرغفة خبز طابون على الحصو
هاي صعبة شوي يبلها مترجم
او بديل
يعنى ينفع خبز لبنانى
وبعد انا مرة سويت اصابع مسخن بالخبز الايرانى
وكانت لذيذ جدا
ياترى ينفع الخبز الايرانى؟؟؟؟!!!!
بس انا بعملو بأختلاف بسيط عنك ,
انا بسلق قطع الدجاج نسف استواء بعدين بفرد بالصينية الخبز ( خبز عادي لان ما في عنا هون خبز طابون )
بعدين بحط قطع البصل وبرشها بالسماق والزيت وقليل من عصير الليمون بعدين بحط طبقة خبز تانية وبصف قطع الدجاج والبصل والسماء والزيت وشوية عصير الليمون وبغلف الصينية وبدخلها الفرن على حرارة متوسطة لمدة نصف ساعة او لحتى يستوي الدجاج مزبوط , بعدين بكشفها شي عشر دقائق لحتى يتحمر الدجاج ,
والف صحة وهنا على قلوبكم ,
على فكرة ايمان , جربتي المنسف الاردني باللبن ( الجميد ) الكركي , هاد كماان كتيييييييييير طييييييييب
بس اللبناني رقيق كتير ولا شو رائيك
