♥ღالمكرونه النجرسكو بالخطوات التفصيليه المصوره مشاركتى التانيه فى ♥ღ 2024.

و لعيون حبيبتى الغاليه لالى
و لأنى لا أستطيع أن أرفض لها طلب
لأن طلباتها أوامر

كما قلت لكم من قبل إنى أحب التغيير و التجديد فى الأكلات
لذلك أبحث عن كل ما هو جديد
و أثناء بحثى بالإنترنت وجدت وصفه للمكرونه النجرسكو الإيطاليه
و عجبتنى الفكره و قررت إنى أعملها

الوصفه الأصليه كانت بالمكرونه الفيتوتشينى و بمكرونه بيضاء بدون صلصه
لكن بصراحه وجدت المكرونه الفيتوتشينى ماسكه فى بعضها أوى
فقمت بتجربه الوصفه بالمكرونه الأقلام و أضفت صلصه على الوصفه و أيضا أضفت الجبن الموتزاريلا فأصبحت أجمل و الطعم بقى حكايه
أيضا فى الوصفه الأصليه يتم سلق صدور الدجاج و تقطيعها ووضعها كحشوه
لكنى عملت الدجاج بطريقه التشويح ليكون طعم الدجاج أطعم

المكرونه
نصف كيلو مكرونه أقلام
صلصة طماطم

للبشاميل
أو 4 ملاعق كبيره دقيق
4 ملاعق زيت أو زبد
حليب
2 بيضه

الحشوه
نصف كيلو صدور دجاج
توابل

يوضع القليل من الزيت فى مقلاه على النار
و توضع صدور الدجاج و نقوم بتشويحها

نستمر فى التشويح حتى يبدأ لون الدجاج فى التغيير

نضع التوابل على الدجاج من ملح و فلفل أسمر و كركم و بابريكا و فلفل أحمر حار
و نستمر فى التقليب حتى يتغير لون الدجاج بالكامل

نهدى النار تماما و نغطى المقلاه حتى تنزل صدور الدجاج ما بها من ماء
( أنا لا أحب إضافة الماء فى أى وصفه من وصفاتى لذا أقوم بتسوية الدجاج بما ينزل منه من ماء)
فى الصوره تظهر كميه الماء التى يتم إنزالها من الدجاج

نقلب الدجاج من وقت لأخر حتى تتشرب مائها كله و تستوى تماما
و تشويحها بالنهايه قليلا لتصبح أطعم

نضع 3 أو 4 ملاعق زيت أو زبد فى مقلاه و نضع 3 ملاعق كبيره دقيق

و نقلبهم جيدا ثم نضعهم على النار

نستمر بالتقليب حتى يتغير لون الدقيق

نضيف الحليب جزء جزء حتى نصل للقوام المطلوب ( أثناء إضافة الحليب يجب تهدئة النار جدا)

هنا وصل البشاميل للقوام المطلوب

نضيف التوابل ليصبح جاهز للعمل

بعدما يبرد البشاميل قليلا نضيف عليه بيضتين لزيادة القيمه الغذائيه

أحب إضافه قليل من البشاميل على المكرونه لتصبح المكرونه أطعم

عملت هذه الوصفه فى صينيتين بايركس

نغلف الصينيه بقليل من البشاميل بهذا الشكل

نضع طبقه من المكرونه

ثم طبقه من الحشوه

ثم طبقه أخرى من المكرونه

و أخيرا طبقه من البشاميل

هنا وضعتها فى فرن مسخن على 200 درجه

عندما يبدأ البشاميل فى تغيير لونه كما بالصوره

نغطى وجه الصينيه بالجبن الموتزاريلا

و نضعها مره أخرى بالفرن ولكن نشغل الفرن من فوق فقط

و ده شكلها بعد السوا

وكمان صوره

عند تقطيعها فى الحال تكون كالصوره التاليه ( مش ماسكه نفسها)

لكن إذا تركت قليلا لتصبح دافئه تقطع بهذا الشكل

وده شكلها من الداخل

يارب تكون الوصفه عجبتكم يا قمرات

تسلم اييديكى حبيبتى
فكرتينى ب لبنى عبد العزيز اما عملت المكرونة من غير ماتسلقها هههههههه
بس ماشاء الله شكلها روعة
ان شاء الله اطبقها
لكن لى سؤال مرة عملت المكرونة بشاميل فى البايركس القاع احترق ولصق مش عارفة ليه فدايما اعملها فى المونيوم او فويل
بس عندك ماشاء الله مش لازقة ولا محروقة

روووووووووووووووووووووووووووعة جدا
تسلم ايدك
ضروري هاجربها لاني باحب التنوبع جداااا
وشكلها بصراحة يجوع
دايما مبدعة الله يحفظك

ماشاء الله تبارك الله

تسلم الأيادي

باين عليها جميلة ربي يحفظك

بسم الله ماشاءالله عليكى ياغاليتنا
دائما رائعة ومبدعة
تبااااااااااارك الله
وتسلم الايادى