بفضل الله و نعمته علي انا حامل في نصف الشهر الرابع
أسأل الله أن يرزق كل منتظرة و مشتاقة بالذرية الصالحة المعافاة عاجلا غير آجل
و بما أني ساكنة في القاهرة, و انا تونسية, لا أعرف منين ممكن أشتري لوازم البيبي المنتظر حفظه الله, من سرير و بوسات و ثياب و كللللل شىء
أنا باذن الله ناوية الشراء على بعد العيد الصغير, أكون دخلت في الشهر السابع ان شاء الرحمن و قبضت الجمعية هههههههه قصدي يكون غلاء رمضان و العيد و الزحمة خفوا شوية ههههه
قلت ماليش غير حبيباتي بنات منتدى لك الغالي, و أرجو انكم ما تبخلوا علي بنصائحكم الثمينة يا غالياتي
جازاكم الله عني خير الجزاء
فيه كل شئ
من ملابس لبوستات وكرسي ولوزام البيبي بيبرونات مقص ادوات استحمام
كل شئ هناك
مستواه حلو وراقي
واسمع عن ميدان الجامع في مصر الجديده
وان شاء الله تقومي بالسلامه
التوحيد والنور
لفلى
مش لازم مكان واحد
قسمى
يعنى الحاجات اللى عاوزاها نضيفة وغاليه هاتيها من لافلى زى لبس الخروج مثلا
الحاجات اللى للبيت هاتيها م التوحيد والنور يعنى مصلا البانيو و الحاجات دى هناك رخيصة اووى
واللبس الفانلات مثلا والكوفرتات فى ميدان الجامع حلوين اوووى
اتمشى واتفرحى
المشى حلو ليكى
فى محل فى ميدان السيدة زينب اسمه المصرى
مخصوص لحاجت البيبيهات برضه عنده حاجات حلوة اووى
ملوكة ربنا يحميكي و يخليلك بنوتك, هو ميدان الجامع فين بالظبط؟؟
أنا أعرف ميدان السيدة زينب و أعرف التوحيد و النور, عندي واحد قريب مني باذن الله أروحله
انا متابعة موضوعاتك من زمان و فرحتلك اوى و الله عشان تتسلى بالبيبى ان شاء الله
اقرى الروابط دى بالتفصيل و يارب تفيدك
و ابقى ادعى لابنى لو عجبتك
تجهيزات البيبى المشاركة من الجميع (فرصة للمصريات)
تجهيزات البيبى المشاركة من الجميع (فرصة للمصريات) الجزء التانى
لو عايزه تجيب حاحات شيك هات من زيرو تو فايف zero to five او our kids فى المهندسين
وسط البلد كمان فيها حاجات هايله فى شارع قصر النيل عند ممر بهلر فى محل هايل وقديم جدا ومحتفظ برونقه
اما حاجه البيت في التوحيد والنور كما قالت لكى الاخت ملك المالكى
أم آسية الغالية: ربنا يتقبل دعائك يا غالية و يرزقك الفردوس الأعلى يا رب, وحشتيني جدااااااا
أم ياسين : حبيبتي ربنا يفرح قلبك و يطمنك و يهديلك ابنك و يشرح صدره يااااااااااا رب
أنا باذن الله راح أقرأ الروابط بالتفصيل الممل و داعيالك و داعياله من قلبي و الله
ت ماذر: الله يبارك فيكي حبيبتي و عقبالك و عقبال كل نساء المسلمين, ان شاء الله أزور المحلات دي و أنزل وسط البلد أتمشى و أتفرج و باذن الله أشتري لما يؤون الأوان
بارك الله فيكن حبيباتي و يااااا رب يرزقكن الفردوس الأعلى يااااااا رب