انا كنت مشتركه معاكم السنه اللي فاتت زي التوقيت ده بالظبط في موضوع مدارس مدارس
كان وقتها ابني 3 سنوات ونصف وكنت ناويه اقدمله كي جي 1
بس حصلت ظروف اني كنت احتمال اسافر وللاسف ضاع عليا وقت التقديم لاني مكنتش لسه عرفت هستقر ولا هسافر
الموووووهيم
طبعا ابني دلؤقتي 4 سنوات و 8 شهور ومش نزلته نيرسيري غير كم يوم خوفا عليه من موضوع انفلونزا الخنازير
وطبعا ساعدته انا في البيت
خلصنا الارقام كلها لحد 1000 وفي القران لحد سورة الزلزلة وفي العربي كلمات كتير والحروف طبعا كلها
وفي الانجليش بردوه كلمات كتير والحروف كلها
بس للاسف مش مسك قلم ومش اتعلم تكوين جمل ولا الحاجات دي
طولت عليكم معلش
انا عاوزة نصيحه احنا هنقضي سنه وحده بس في مصر والسفر السنه الجايه ان شاء الله
عاوزة مدرسه في مصر الجديده وتكون مستواها حلوووووووو وياريت تعرفوني الاسعار لكل مدرسه
محتاره ادخله كي جي ون ولا سنه كبير ادخله كي جي 2 علي طول ؟؟؟ لان سنه هيبقي في اول اكتوبر 5 سنوات وشهر ونصف
الكام شهر الباقيين دول عاوزة اقدمله في نيرسيري تكون ممتازة تاسسه بس مش عاوزة مكان بعيد انا علي جسر السويس قبل دولفين بشويه لو حد يعرفه يعني عاوزة مكان قرررريب وبياسس كويس
ولا اكمله في البيت الشهور دي ؟؟
وميررررررسيه اوي
مش مهم مستوي المدرسه عندي غير في مرحله الكي جي لاننا مش اعدين هنا السنه الجايه
منتظراكم بليييييييييييز مش تتاخروا لاني حاسه ان الوقت اتاخر اوووي