انا السبب تفتكروا هيسامحني هو وأمي 2024.

مشكلتي اني من يومين اكتشفت اني معنديش دم مش متحمله المسئولية فعلا واني طول الفترة اللي فاتت كنت بضحك على نفسي لما بقول أنا واخواتي بنحب بعض بجد.

الموضوع ابتدا بعد وفاة ماما من 9 سنين ساعتها كنت في أولى جامعة واختي كانت كليتها في محافظة ثانية وكانت برده سنة أولى وأخويا الوسطاني كان في2 ثانوي (ثانوية عامة يعني بس أصل احنا في مصر الثانوية سنتين 2 و 3) وأخويا الصغير اللي هو حسسني بإني فاشلة كان في سنة أولى اعدادي
بابا خطب بعد 40 يوم من وفاة ماما واتجوز بعدها بشهرين وكل العائلة ما كانتش موافقة واحنا كنا صغيرين مش بنفكر وكمان مش موافقين.
ومرات بابا دي كانت صدمة لينا والنتيجة بابا مهتم بيها هيا , أخويا الكبير ماكانش بيطلع من غرفته خالص على طول قاعد فيها وأختي (الله يرحمها) كانت بتستسهل وتعد في كليتها بالإسبوعين والثلاثة ولما كانت بتيجي كانت بتعمل مشاكل مع مرات بابا وأنا كنت مخضوضة وخايفة ومش فاهمة حاجة فكنت بخلص كليه وأخرج وارجع على النوم .

أخويا الصغير والله ما عارفة دلوقتي بعد اللي قالوا ازاي كان بينجح أصلا محدش فينا كان مهتم بيه وخصوصا أنا كان لما بس بيسألني على حاجة كنت برد عليه إنما عمري ما أعدت معاه واتكلمنا لحد ما دخل ثانوي (على فكرة هو دلوقتي في سنة ثالثة كلية تجارة) كنت ابتديت اهتم بيه بس بردو على خفيف و مرات بابا كانت طفشت مننا وأنا استلمت المسئؤلية كنت بروح الكلية وأعمل الأكل وروق البيت ولما خلصت وابتديت أشتغل استمر الحال على ما هو عليه.

انا بقولكم دا لأني من يومين كنت عاملالهم قلقاس وهو معجبوش وقعد يقول كلام ان ماحدش كان بيحبو ولا بيهتم بيه وإنه مش دلوقتي بس هنيجي نسأل ونهتم بيه , كمان هو بقى عصبي وبيتنرفذ كثير, ساعتها حسيت إني مكسوفة من أمي ومن نفسي وإني ما حفظتش الأمانة من ساعتها مش قادرة أرفع عيني فيه ولا أتكلم معاه عندي شعور كبير أوي بالذنب والتقصير مع ان والله احنا كنا كويسين مع بعض من ساعة ما هو كان في أولى ثانوي.
بس انا صعبان هو عليا أوي ومش هعرف أعوضه عن طفولته اللي انا مخدتش بالي منه فيها.
نفسي يسامحني تفتكروا هيسامحني في يوم ولا هيتنيه شايل مني. طب تفتكروا ماما الله يرحمنا لما أشوفها بعدين هتكون مسامحاني ولا ايه

أنا بس قلت افضفض معاكم

ربنا يحنن قلب اخوك عليك و يحنن قلبك عليه و يحببكم فى بعض
و ربنا يرحم مامتك و اختك و اغفر لهما

اميييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييين

ربنا يخليلى اخوتى تاج على راسى و منتحرمش منهم يارب

اميييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييين

شكرا ليكم كلكم
بس والله الحمد لله احنا علاقتنا ببعض أحسن بقالها سنتين أو ثلاث بنعد ونتكلم في كل حاجة وكلنا بنحب بعض أوي بس هو احساسي من فترة وتأكدت منه لما هو قاله ونا حسيت بالذنب قوي وبدعي ربنا يغفر لي ويقويني ويرحمني
ويحنن قلب اخواتي عليا علشان والله بجد مليش غيرهم بعد ربنا وحنا الحمد لله بنحب بعض ونخاف على بعض رغم كل حاجة ونا متأكدة اني غالية عندهم زي ما هم غاليين عندي.

وربنا يرحم امي وأختي ويرحمنا جميعا

وميرسي ليكم على وقوفكم جنبي قوي . بس بقى جوايا مرارة واحساس ملوش وصف

ادعولي بالرحمة والهداية